Հա

Ազգային

09/09/2018 - 12:20

Սխալ ձեւակերպումներ

Չնչին բացառութեամբ բոլոր ժողովրդների, ի մասնաւորի հայ ժողովրդի աւանդոյթում, հեքիաթներում, պատմւացքներում եւ առ հասարակ իրենց առօրեայ կեանքում, սպիտակ գոյնը համարւել է բարութեան, մաքրութեան, խաղաղութեան եւ համերաշխութեան խորհրդանիշ, իսկ սեւ գոյնը՝ չարութեան, նենգութեան, թշնամութեան եւ անմիաբանութեան։

ԹԱԹՈՒԼ ՕՀԱՆԵԱՆ

 

Չնչին բացառութեամբ բոլոր ժողովրդների, ի մասնաւորի հայ ժողովրդի աւանդոյթում, հեքիաթներում, պատմւացքներում եւ առ հասարակ իրենց առօրեայ կեանքում, սպիտակ գոյնը համարւել է բարութեան, մաքրութեան, խաղաղութեան եւ համերաշխութեան խորհրդանիշ, իսկ սեւ գոյնը՝ չարութեան, նենգութեան, թշնամութեան եւ անմիաբանութեան։

Արդ զարմանում եմ, Երեւանի աւագանու արտահերթ ընտրութիւններում, «Իմ քայլը» դաշինքի կողմից, մայրաքաղաքի քաղաքապետի թեկնածու՝ Հայկ Մարութեանը, հակառակ Մայիսեան «թաւշեայ յեղափոխութեան «սիրոյ եւ համերաշխութեան» նշանաբանի ու լոզունգների, ինչ իրաւասութեամբ ու արտօնութեամբ է ինքն, իրեն եւ իր թիմակիցներին սպիտակ համարելով, դասել մաքուրների ու բարիների շարքին իսկ իր ոչ թիմակիցներին սեւ՝ եւ անմաքուրների ու չարերի շարքին եւ նոյնիսկ բացէ ի բաց յայտաարել է «մեր թիմի դէմ խաղ չկայ», սա ինչ է նշանակում, եթէ ոչ մեծամտութեան բարդոյթ, մեծապետական մտայնութիւն եւ բռնակալական ձգտումներ, գերակայութեան եւ ստորակայութեան ցցուն դրսեւորումներ, կամ էլ «Հայկօ»-ի, տհաս քաղաքկանութեան, «անկարգ» ու անմիտ ձեւակերպումներ։ Թէեւ յետ այնու իր թիմակիցներից ոմանք անյոյս փորձեր կատարեցին որոշ սրբագրումներ մտցնել Հայկոի ասածներում բայց եւ այնպէս չստացւեց, քանզի արդէն թէ մամուլում եւ թէ զանազան համացանցերում այդ առթիւ բողոքի լայն ալիք էր բարձրացել։

Յեղափոխութիւնը չարի ու բարու, պայքար է՝ արագընթաց եւ թռիչքային եղանակով, յեղափոխութիւնը ոչ միայն ազգային ազատագրական պայքար է յանուն ազատութեան, այլ պայքար՝ մեծապետականութեան, գերակայութեան ու ստորակայութեան եւ դասակարգերի վերացման։

Յեղափոխութիւնը պայքար է համակեցութեան, եղբայրութեան, թէ սէր է եւ թէ յարատեւ պայքար յանուն արդարութեան յաղթանակի։

Բարեբախտաբար Վարչապետ Նիկոլ Փաշինեանը եւս «թիւրըմբռնում» անւան ներքոյ ցաւ է յայտնել Հայկոի սխալ ձեւակերպումների համար եւ ասել է «ցանկացած ձեւակերպում պիտի տեղաւորւի թաւշեայ յեղափոխութեան սկզբումքներին ոչ թէ սեւ ու սպիտակի, եւ ասել է «սիրոյ եւ համերաշխութեան յեղափոխութեան մէջ, մենք վառ գոյնի մասին պիտի խօսենք քան սեւի»։

Առ հասարակ քաղաքական կեանքում, ի մասնաւորի աւելի զարգացած երկրներում երբ մի քաղաքական գործիչ սխալ արտայայտութիւն է անում եւ կամ սխալ գործ է կատարում, սխալ արտայայտութեան համար ներեղութիւն՝, իսկ սխալ գործի համար հրաժարական է ներկայացնում։ Արդ կարծում եմ «կարգին Հայկոն», թէ հակառակ վերոնշեալ յեղափոխական սկզբունքների եւ ի մասնաւորի թաւշեայ յեղափոխութեան սկզբունքների, իր ատելութիւն առաջացնող եւ պառակտում սերմանող արտայայտութիւնների համար պիտի քաջաբար քաղաքապետութեան թեկնածութիւնից հրաժարական ներկայացնի, հակառակ պարագային իր թիմակիցների պարտականութիւնն է որ յետ այսու նրան որպէս տհաս քաղաքականագէտ, ազատ կացուցանեն նման ծանր պատասխանատւութիւններից։

Երեւան

09.09.2018 թ․

Յարակից լուրեր

  • «Գանդի»-ի արձան. Երեւանի աւագանու որոշում
    «Գանդի»-ի արձան. Երեւանի աւագանու որոշում

    Մամուլից զարմանքով տեղեկացայ որ քաղաքամայր Երեւանի աւագանին, որոշել է Գանդիի արձանը կանգնեցնել Երեւանում: Ինչ հոյակապ որոշում, կարծես թէ արդէն Երեւանում ամեն ինչ տեղը տեղին կարգաւորւած, յստակեցւած ու վերջացած է եւ ոչ մի ցաւ ու դարդ չունենք եւ վճռահատւած է ամեն ինչ եւ պակաս որեւէ բան չունենք, պակասը միայն Գանդիի արձանն էր որ այն էլ մեր աւագանու ժրաջան գործունէութեան շնորհիւ արդէն ընթացքի մէջ է դրւել եւ շուտով իրականանալու է:

  • Հանդուրժողականութիւն
    Հանդուրժողականութիւն

    Հանդուրժողականութիւնը բարոյական յատկութիւն է որ բնորոշում է վերաբերմունքը այլ մարդկանց համոզմունքների, հաւատալիքների ու սովորութիւնների հանդէպ եւ հանդուրժում է այլոց կողմից կատարւած քննադատութիւնները եւ ձգտում է առանց ճնշման ծայրայեղ մեթոդներ կիրառելու, պարզաբանման ու երկխօսութեան միջոցով, հասնել զանազան տեսակէտներ ունեցողների հետ փոխըմբռնման եւ փոխյարաբերութեան որն եւ համարւում է լայնախոհութիւն:

  • Շահ Նէմաթ Օլլահէ Վալի
    Շահ Նէմաթ Օլլահէ Վալի

    Յայտնի Միստիկ (Արէֆ-դէրւիշ) բանաստեղծ եւ միստիկականութեան առաջնորդներից մէկը: Ծնւել է Հալէպում հեջրաթի 731 ին՝ վախճանւել աւելի քան հարիւր տարեկան հասակում 834 թւին, Քերման քաղաքի՝ Մահան աւանում որտեղ եւ թաղւած է:

  • ՀՅ Դաշնակցութեան հիմումքները
    ՀՅ Դաշնակցութեան հիմումքները

    «Դաշնակցութեան ծրագրի հիմը կը կազմեն հայ ժողովրդի ցանկութիւնները եւ այդ ժողովրդի յարատեւումին կապուած բաղձանքները: Ու քանի որ փոփոխական են հայ ժողովրդի ցանկութիւնները, ապա փոփոխական է նաեւ Դաշնակցութեան ծրագիրը: Բայց կան ոչ միայն փոփոխելի, այլ եւ անփոփոխելի արժէքներ: Եւ ինչպէս անփոփխելի են հայ ժողովրդի որոշ ցանկութիւնները, ճիշտ նոյն ձեւով անփոփոխելի են նաեւ Դաշնակցութեան ծրագրների որոշ հիմունքները.- այդ անփոփխելի հիմունքներն են՝

  • Սպահանի հայոց թեմի Պատգամաւորական ժողովի ատենապետ Թաթուլ Օհանեանի պատգամը՝ Հայոց Ցեղասպանութեան 105-ամեակի առիթով
    Սպահանի հայոց թեմի Պատգամաւորական ժողովի ատենապետ Թաթուլ Օհանեանի պատգամը՝ Հայոց Ցեղասպանութեան 105-ամեակի առիթով

    այոց Ցեղասպանութեան 105-ամեակի ոգեկոչման յանձնախմբի համացանցային ծրագրերի շարանում, երկուշաբթի՝ ապրիլի 20-ի երեկոյեան ժամը 8։00-ին, նշւած յանձնախմբի ինստագրամի armeniangenocide_nj էջով հեռարձակւող ուղիղ միացմամբ (live), իր պատգամը փոխանցեց Սպահանի հայոց թեմի Պատգամաւորական ժողովի ատենապետ Թաթուլ Օհանեանը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։