Հա

Ազգային

03/08/2019 - 11:20

Խմբագրական. Արցախը եւ Ամերիկեան, աւստրալիական ու եւրոպական ուղղութիւնները

Հայկական աշխարհի իրադարձութիւններուն հետեւողը գերաշխուժ վիճակ պիտի նկատէ Հայ Դատի յանձնախումբերու եւ գրասենեակներու նախաձեռնութիւններու` յատկաէս արցախեան պատուիրակութիւններու տարբեր երկիրներու այցելութիւններ կազմակերպելու առումով:

Հայկական աշխարհի իրադարձութիւններուն հետեւողը գերաշխուժ վիճակ պիտի նկատէ Հայ Դատի յանձնախումբերու եւ գրասենեակներու նախաձեռնութիւններու` յատկաէս արցախեան պատուիրակութիւններու տարբեր երկիրներու այցելութիւններ կազմակերպելու առումով:

Աւստրալիոյ դաշնակցային մակարդակով կայացած ընդունելութիւններ` Արցախի Հանրապետութեան արտաքին գործոց նախարարի գլխաւորած պատուիրակութեան, զուգահեռ` Պելճիքայի Ալսթ քաղաքի աւագանիին հետ Արցախի Շահումեանի շրջանի ղեկավարութեան ներկայացուցչութեան հանդիպումները աշխարհագրական տարբեր միջավայրերու մէջ Արցախի ճանաչելիութեան նպաստող կարեւոր երեւոյթներ են: Աւելի՛ն. ծերակուտականներու, Ներկայացուցիչներու տան անդամներու եւ մնայուն յանձնախումբերու հետ կայացած հանդիպումները Արցախի Հանրապետութեան ճանաչման սատարող քաղաքական գործողութիւններ են:

Հայ Դատի գերակայ ուղղութիւններու ընդառաջ առնուած քայլերու ընդհանուր պարունակին մէջ կը նկատուի նաեւ Մոնրէալի մէջ կայացած հանդիպումը Հայ Դատի յանձնախումբի պատասխանատուներուն եւ Քանատայի Ժառանգութեան եւ մշակոյթի նախարարին միջեւ: Նաեւ` Արեւմտեան Ամերիկայի Հայ Դատի յանձնախումբին նախաձեռնութեամբ Հայաստան ժամանած Քալիֆորնիոյ փոխնահանգապետ Ելենի Քունալաքիսի գլխաւորած պատուիրակութիւնը, որուն կազմին մէջ են Քալիֆորնիոյ, Արիզոնայի եւ Քոլորատոյի նահանգային Ծերակոյտի անդամներ: Մինչ, Լիբանանի Հայ Դատի յանձնախումբը ԵՈՒՆԵՍՔՕ-ի ղեկավարութեան մօտ կ՛արծարծէր մշակութային արժէքներ-Ազրպէյճան անհամատեղելիութիւնը եւ հայկական մշակութային ժառանգութեան Ազրպէյճանի կողմէ ոչնչացման աքթերուն ծալքերը:

Կարեւորագոյն նշանակութիւն ունեցող ռազմավարական այս ուղղութիւններուն վրայ առնուած նախաձեռնութիւններն ու իրականացուող գործողութիւնները կը նախանշեն, որ Հայ Դատի համակարգը մեր զոյգ հանրապետութիւններուն արտաքին քաղաքականութեան իրականացման անշրջանցելի ենթահող կը հարթէ եւ էապէս կը սատարէ հիմնական առաջադրանքներու իրականացման:

Դիւրին չէ այս ճանապարհէն անցումը: Միջազգային ճանաչում չունենալու փաստը ամէն առիթի կը շահարկուի Ազրպէյճանի կողմէ, որ կը բողոքէ ամէն առիթի: Ազրպէյճանի հետ դիւանագիտական կապեր ունեցող պետութիւնները, առաւել եւս անոնք, որոնք տնտեսական գործարքներ ունին Պաքուի հետ, հաշուի կը նստին Ազրպէյճանի հետ:

Ֆրանսայի դատական որոշումները միայն իրաւական բնոյթ չունին անշուշտ: Անոնք ենթակայ են տնտեսական շահերու հիման վրայ ընթացող Պաքու-Փարիզ յարաբերութիւններուն: Հայ Դատի յանձնախումբերը սակայն թէ՛ քաղաքական եւ թէ՛ իրաւական աշխատանքները կը շարունակեն ֆրանսական եւ արցախեան քաղաքներու միջեւ կնքուած համաձայնագիրները չեղեալ յայտարարելը անվաւեր հռչակելու ուղղութեամբ:

Արցախեան հակամարտութեան առումով յիշենք պարզապէս, որ Միացեալ Նահանգներու Ներկայացուցիչներու տունը երկու նշանակալի բանաձեւ որդեգրեց, առաջինը` շփման գիծին վրայ անվտանգութեան երաշխաւորման նպաստող, երկրորդը` Ստեփանակերտի օդակայանին դէմ օգտագործելի զինատեսակներու վաճառքը արգիլող: Երկուքն ալ նախաձեռնութիւն` Ուաշինկթընի Հայ Դատի գրասենեակին:

Հայ Դատի համակարգը թէ՛ իբրեւ աշխատակարգ` ցանցային դրուածքի նպատակաուղղուած գործունէութեան առումով եւ թէ՛ իբրեւ բովանդակութիւն` այս պարագային Արցախի Հանրապետութիւն եւ տարբեր երկիրներու նահանգային եւ քաղաքային մակարդակներու վրայ հորիզոնական, ուղղակի կապեր ստեղծելով փուլ առ փուլ կ՛իրականացնէ այն մեծ օրակարգը, որ էապէս համահայկական է եւ որ խորքին մէջ մեր հայրենիքի անվտանգութեան սատարող կարեւորագոյն երաշխիքն է:

 

«Ազդակ»

Յարակից լուրեր

  • «Առաջարկել ենք, որ անվտանգութեան խորհրդի ընդլայնւած նիստ գումարւի». Դաւիթ Իշխանեան
    «Առաջարկել ենք, որ անվտանգութեան խորհրդի ընդլայնւած նիստ գումարւի». Դաւիթ Իշխանեան

    «Իրաւական հարթութիւնը եւ օրէնքներն ու Սահմանադրութիւնը այդպիսի հնարաւորութիւն տալիս են՝ ընտրութիւնները յետաձգելու, եթէ յայտարարւի արտակարգ դրութիւն կամ ռազմական դրութիւն: Արտակարգ իրավիճակ յայտարարելու պարագայում ընտրութիւնները կայանում են: Պէտք է բաւարար պայմաններ լինեն, այս պարագայում Արցախում չկայ որեւէ դէպք եւ կարծես չկան այդ պայմանները»,- «Փաստինֆօ»-ի հետ զրոյցում ասաց ՀՅԴ Արցախի Կենտրոնական կոմիտէի ներկայացուցիչ, Արցախի նախագահի թեկնածու Դաւիթ Իշխանեանը:

  • «Հայրենիք»-ի խմբագրական․ Արցախը կ՛ընտրէ
    «Հայրենիք»-ի խմբագրական․ Արցախը կ՛ընտրէ

    Ամբողջ աշխարհը ճգնաժամի մէջ է։ Իսկ Արցախը, բնութեան գիրկին մէջ բազմած այդ դրախտը, շարունակ ճգնաժամի մէջ եղած է։ Չկայ բնութեան կողմէ պարտադրուած համաճարակը, սակայն շարունակ ներկայ է թշնամին՝ արցախցիին պսակաձեւ ժահրը՝ Ատրպէյճանը։ Դեռ քանի մը օր առաջ, ճիշդ թուականը նշելու համար, Մարտ 23-ին, նշուեցաւ աննման «պարիսպներու քաղաք» Շուշիի կոտորածին հարիւրերորդ տարելիցը։

  • «Իրաւական կարգաւորումները դէպի արտակարգ դրութիւն տանող նախադրեալներ չկան». Դաւիթ Իշխանեան
    «Իրաւական կարգաւորումները դէպի արտակարգ դրութիւն տանող նախադրեալներ չկան». Դաւիթ Իշխանեան

    Մենք ամենօրեայ կապի մէջ ենք ԱՀ առողջապահութեան նախարարի հետ՝ նոր կորոնավիրուսի տարածման վերաբերեալ ինֆորմացիա ստանալու առումով:

  • Կոչ` հայ ժողովուրդին
    Կոչ` հայ ժողովուրդին

    Համայն մարդկութիւնը այս օրերուն կը տառապի «քորոնա» ժահրի (կորոնավիրուս) յառաջացուցած տագնապով: Համաճարակը լուրջ է, ցարդ կը շարունակէ անսանձ տարածուիլ եւ կը վարակէ ու կը խլէ նկատառելի քանակով զոհեր:

  • ՀՅԴ-ն դադարեցրել է Արցախի ընտրողների հետ փակ տարածքներում հանդիպումները
    ՀՅԴ-ն դադարեցրել է Արցախի ընտրողների հետ փակ տարածքներում հանդիպումները

    Հաշւի առնելով ԱՀ տարածքում կորոնավիրուսի տարածման հնարաւոր վտանգը, մտահոգւած լինելով մեր քաղաքացիների առողջութեամբ՝ Հայ Յեղափոխական Դաշնակցութեան նախընտրական շտաբը որոշում է կայացրել ժամանակաւորապէս դադարեցնել փակ տարածքներում ընտրողների հետ հանդիպումները։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։