Հա

Ազգային

14/08/2019 - 09:20

«Բոլոր հարցերը լուծւող են». շւէյցարացի միլիոնատէրը Հայաստանում կարտադրի՛ իր ուզած ոսկին

Նախատեսւած պլանի համաձայն` աֆինաժային գործարանի շինարարութիւնը կը մեկնարկի հոկտեմբերին եւ կտեւի 6 ամիս։ Դրանից յետոյ Հայաստանը կը սկսի բանկային ձուլակտորներ թողարկել։

«alikonline.ir» - Նախատեսւած պլանի համաձայն` աֆինաժային գործարանի շինարարութիւնը կը մեկնարկի հոկտեմբերին եւ կտեւի 6 ամիս։ Դրանից յետոյ Հայաստանը կը սկսի բանկային ձուլակտորներ թողարկել։

Շւէյցարիացի միլիոնատէր Վարդան Սիրմաքեշը մտադիր է մինչեւ վերջ հասցնել Հայաստանում մաքուր ոսկի արտադրելու՝ իր նախագիծը։ Այս մասին նա յայտնեց Sputnik Արմենիայի հետ զրոյցում։

Սիրմաքեշը հայազգի ոսկերիչ եւ գործարար է, Franck Muller շւէյցարական ժամացոյցների ընկերութեան համահիմնադիրը։ Հինգ տարի առաջ նա ցանկութիւն յայտնեց Հայաստանում բանկային ոսկու ձուլակտորների գործարան կառուցել եւ յուշագիր ստորագրեց Հայաստանի Կենտրոնական բանկի հետ։ Բոլոր այս տարիների ընթացքում նա բանակցութիւններ է վարել սարքաւորումների մատակարարների եւ հաւաստագիր տրամադրող միջազգային ընկերութիւնների հետ։ Իսկ նրանց հետ պայմանաւորւածութիւն ձեռք բերելն այդքան էլ հեշտ չէ։

Ոսկու ձուլակտորների ձուլումը գրեթէ նոյնն է, ինչ դոլար կամ եւրօ տպելը։ Դա նշանակում է վճարային միջոց թողարկել, որը կընդունեն ամբողջ ֆինանսական աշխարհում. Լոնդոնի, Չիկագոյի կամ Տոկիոյի բորսաներում, ներդրումային ֆոնդերում, տարբեր երկրների կենտրոնական եւ կոմերցիոն բանկերում։ Որպէսզի նրանք ճանաչեն, որ ձուլակտորները 999.9 յարգի են, արտադրութիւնը պէտք է միջազգային հաւաստագիր ստանայ։ Ամենահեղինակաւոր եզրակացութիւններն այդ ոլորտում տրամադրում են Լոնդոնում (LBMA ընկերութիւնը), ինչպէս նաեւ Չիկագոյի (CME), Դուբայի (DMCC) եւ Տոկիոյի (TOCOM) բորսաներում։

Սիրմաքեշի մենեջերները երկար ժամանակ բանակցութիւններ էին վարում Լոնդոնում։ Վերջապէս նա որոշեց. եթէ յանկարծ պայմանաւորւել չյաջողւի, որեւէ սարսափելի բան տեղի չի ունենայ։ Հայաստանը, միեւնոյնն է, թողարկելու է ոսկու ձուլակտորներ, բայց արդէն սեփական կնիքով։

«Եթէ հաւաստագիր լինի` շատ լաւ։ Սակայն մենք որոշեցինք չկենտրոնանալ այդ հարցի վրայ եւ դրա պատճառով գործարանի շինարարութիւնը չյետաձգել։ Անհրաժեշտութեան դէպքում մենք ինքներս կարող ենք լաբորատորիա ստեղծել հաւաստագրման համար։ Մենք այնտեղ կը ներդնենք լաւագոյն տեխնոլոգիաները եւ մասնագէտների կը ներգրաւենք Շւէյցարիայից։ Իսկ իրենց աշխատանքի յստակութիւնը յայտնի է ամբողջ աշխարհում, այդ պատճառով նման լաբորատորիան առանց դժւարութեան միջազգային հաւատարմագրում կը ստանայ»,- աւելացրեց Սիրմաքեշը։

Հայաստանում մէկ տարւայ ընթացքում շուրջ 3 տոննա ոսկի է արդիւնահանւում (արդիւնահանած հանքաքարից մաքուր մետաղ ստանալու հաշւարկով)։ Չենք կարող ասել, որ հումքի նման ծաւալների պարագայում գործարանը կը կարողանայ աշխատել շահոյթով կամ գոնէ առանց կորստի (այդպէս էին նախկինում նշում ոլորտի ներկայացուցիչները)։ Այնուամենայնիւ, Սիրմաքեշը նշեց՝ հումք կարելի է ներմուծել նաեւ այլ երկրներից` օրինակ՝ հարեւան Վրաստանից կամ նոյնիսկ Աֆրիկայից։ Պատրաստի ապրանքը (ոսկու ձուլակտորները) չափերով այնքան փոքր է, որ դրա տեղափոխումը համաշխարհային շուկաներ զգալի ծախսեր չի պահանջի։

Ոսկու աֆինաժի (մաքրման, զտման) ժամանակ մի շարք քիմիական ռեակտիւներ են օգտագործւում։ Այդ պատճառով էլ, որպէսզի գործարանը շրջակայ միջավայրի համար ռիսկեր չստեղծի, նրա համար բնապահպանական գնահատական կը կազմեն շւէյցարական ընկերութիւնները։ Նրանց հետ եւս բանակցութիւններ են ընթանում։

Վերջապէս լուծւել է նաեւ սարքաւորումների մատակարարման հարցը. բանակցութիւններն այդ ուղղութեամբ տարւել են իտալական ընկերութիւնների հետ։

Այդ ամէնից յետոյ մնում է միայն գործարանի շէնքը կառուցել։ Իսկ դա արդէն, Սիրմաքեշի խօսքով, այնքան էլ դժւար չէ։ Նա փորձ ունի. գործընկերոջ` Ֆրանկ Միւլէրի հետ, Ժնեւից քիչ հեռու, կառուցել եւ բազմիցս ընդլայնել են ժամացոյցների արտադրութեան՝ իրենց արհեստանոցները։

«Այժմ մենք բանակցում ենք գործարանի համար երկու հնարաւոր տարածքների մասին։ Այսպէս թէ այնպէս, մենք մտադիր ենք շինարարութիւնը սկսել հոկտեմբերին, իսկ աւարտել այն՝ սկսելուց 6 ամիս անց։ Կարեւորը որակեալ ապրանք ունենալն է, իսկ մենք այն կունենանք։ Հետեւաբար, բոլոր միւս հարցերը լուծւող են»,- աւելացրեց Սիրմաքեշը։

Նշենք, որ Հայաստանն այսօր ոչ թէ մաքուր ոսկի է արտահանում, այլ ոսկու եւ արծաթի Դորէ համաձուլւածքներ, որոնք վերջնական մաքրում են անցնում արտերկրում։ Հայաստանում ոսկու արդիւնահանման համար արտօնագիր է գործում 18 հանքավայրերում, որոնցից 6-7-ը համեմատաբար խոշորներն են։ Ամենախոշորը Սոթքի ոսկու հանքավայրն է (գործում է), մեծութեամբ երկրորդը` Ամուլսարինը (չի գործում)։ Հայաստանում ոսկու ընդհանուր պահուստները (ուսումնասիրւած եւ նախնական գնահատւած) շուրջ 400 տոննա են։

Յարակից լուրեր

  • «Տարածաշրջանում հասունանում է շատ վտանգաւոր իրավիճակ»․ Արման Աբովեան
    «Տարածաշրջանում հասունանում է շատ վտանգաւոր իրավիճակ»․ Արման Աբովեան

    Մինչեւ մեր երկրում բոլորը բոլորի «միսն են ուտում» ներքին քաղաքական դաշտում, տարածաշրջանում հասունանում է շատ վտանգաւոր իրավիճակ, կապւած` իրանեան միջուկային ծրագրի հետ։ Այս մասին ֆէյսբուքեան իր էջում գրել է «Բարգաւաճ Հայաստան» խմբակցութեան պատգամաւոր Արման Աբովեանը։

  • «Հայրենիք»-ի խմբագրական. «Արմենոֆոպիա» մոլուցքը
    «Հայրենիք»-ի խմբագրական. «Արմենոֆոպիա» մոլուցքը

    Քաղաքակիրթ աշխարհը, սկսեալ մարդկային իրաւունքներու պաշտպանութեան համար պայքարող ոչ-կառավարական հիմնարկներէն, մինչեւ Միացեալ Ազգերու Կազմակերպութեան հովանիին տակ գտնուող ենթայանձնախումբերը տեղեակ չեն, թէ որքան մտահոգիչ է Ատրպէյճանի մէջ եւ առ հասարակ ատրպէյճանցիի մօտ գոյութիւն ունեցող հակահայ ատելութիւնն ու մոլուցքը։

  • Հ.Հ. յուշարձաններուն ապագան... Քարակո՞յտ կա՞մ
    Հ.Հ. յուշարձաններուն ապագան... Քարակո՞յտ կա՞մ

    Հայաստանի Հանրապետութեան տարածքին կը գտնուին հայկական պատմամշակութային յուշարձաններու զգալի մէկ մասը: Սկզբնական բաժանում մը կատարելով՝ կրնանք զանոնք տեղաւորել ըստ՝ պատմական ժամանակաշրջանի, ոճային առանձնայատկութեան, եւ ներկայ վիճակի գնահատութեան, որ հիմք կը հանդիսանայ ապագայ կատարուելիք վերականգնողական ու վերաօգտագործման ձեռնարկներու կամ պահպանման ուղղուած գործընթացներու:

  • «Տարածաշրջանում խաղաղութեան եւ կայունութեան ապագայի պատասխանատւութիւնն անձնապէս կրում ենք՝ Արցախի Հանրապետութեան նախագահը, ՀՀ վարչապետը եւ Ալիեւը». Նիկոլ Փաշինեան
    «Տարածաշրջանում խաղաղութեան եւ կայունութեան ապագայի պատասխանատւութիւնն անձնապէս կրում ենք՝ Արցախի Հանրապետութեան նախագահը, ՀՀ վարչապետը եւ Ալիեւը». Նիկոլ Փաշինեան

    Այս պահին հանդիպման պայմանաւորւածութիւն չկայ, բայց բացառել հանդիպում չի կարելի, որովհետեւ քննարկումների փուլում է: Այս մասին այսօր մամուլի ասուլիսին ասաց ՀՀ վարչապետ Նիկոլ Փաշինեանը՝ պատասխանելով լրագրողներից մէկի հարցին, թէ Միւնխէնում պլանաւորւած է Ադրբեջանի նախագահի հետ հանդիպում:

  • Պետութիւն մերժողները. գողական ենթամշակոյթի ու Իմ քայլի ընդհանրութիւնները
    Պետութիւն մերժողները. գողական ենթամշակոյթի ու Իմ քայլի ընդհանրութիւնները

    Լրագրող, հրածարակախօս Վահան Իշխանեանն իր ֆէյսբուքեան էջում գրել է. «Գողական ենթամշակոյթի դէմ քրէական օրէնք ընդունելը վկայում է, որ լիբերալ մտաւորականութիւնն ու քաղաքական գործիչները անկարող լինելով Հայաստանում պերմանենտ տնտեսական ճգնաժամերը բացատրել կապիտալիզմով, արհեստական մեղաւորներ են փնտրում ու որպէս մեղաւոր կարգում գողական աշխարհը։ Ինչպէ՞ս մեղադրեն կապիտալիզմը, մի բան, որին հաւատում են ինչպէս քրիստոնեան Աստծոյ երկրորդ գալստեանն է հաւատում։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։