Հա

Ազգային

02/04/2020 - 08:30

Համավարակի կանխարգելման «կառավարումն» իրականացւում է ժողովրդավարութեան կոպիտ ոտնահարմամբ. ՀՅԴ ՀԳՄ-ի յայտարարութիւնը

Համավարակի դէմ պայքարի հիմնաւորմամբ ՀՀ կառավարոթւիւնը հրատապ ռեժիմով Ազգային ժողով էր ներկայացրել «Արտակարգ դրութեան իրաւական ռեժիմի մասին» եւ «Էլեկտրոնային հաղորդակցութեան մասին» օրէնքներում լրացումներ կատարելու նախագծերի փաթեթը:

Համավարակի դէմ պայքարի հիմնաւորմամբ ՀՀ կառավարոթւիւնը հրատապ ռեժիմով Ազգային ժողով էր ներկայացրել «Արտակարգ դրութեան իրաւական ռեժիմի մասին» եւ «Էլեկտրոնային հաղորդակցութեան մասին» օրէնքներում լրացումներ կատարելու նախագծերի փաթեթը:

Օրէնսդրական փոփոխութիւնները ենթադրում են այնպիսի տոտալ վերահսկողութեան սահմանում, որը խաթարում է անձնական, մասնաւոր եւ ընտանեկան կեանքի սահմանադրական անձեռնմխելիութիւնը։ Պանդեմիայի դէմ պայքարի արդիւնաւէտութեան, սահմանադրական հիմնարար իրաւունքների խաթարման եւ անվտանգութեան տեսանկիւնից խնդրայարոյց այս նախաձեռնութիւնը արդարացիօրէն ընդվզման եւ դժգոհութիւնների տեղիք տւեց։

Խորհրդարանական քւէարկութեամբ նախագծի մերժումից յետոյ էլ, օրւայ իշխանութիւնը ոչ միայն չհրաժարւեց իր նախաձեռնութիւնից, այլեւ, արհամարհական վերաբերմունք դրսեւորելով խորհրդարանական ընդդիմութեան նկատմամբ, նոր արտահերթ նիստում կազմակերպւած քւէարկութեամբ վաւերացրեց այն։ 

Ծանր ժամանակներ եւ մարտահրաւէրներ դիմագրաւող մեր հասարակութեան համար, երբ աւելի քան կենսական են հասարակական համերաշխութիւնը, քաղաքական հանդուրժողականութիւնը, պետական ինստիտուտների արժեւորումն ու անխափան գործունէութիւնը, խորհրդարանական քաղաքական մեծամասնութիւնը դիմում է պառլամենտարիզմի ոտնահարման, քաղաքական մանիպուլիատիւ վարքագծի՝ սեփական քաղաքական քմահաճութիւնները բարձր դասելով պետական ինստիտուտների բնականոն գործունէութեան եւ հանրային համերաշխութեան առաջնահերթուիւնից:

Այսպիսի քաղաքական վարքագծով, ժողովրդավարութեան կոպիտ ոտնահարմամբ, միանձնեայ կերպով եւ անսխալականութեան բարդոյթի պայմաններում էլ իրականացւում է համավարակի կանխարգելման «կառավարումը»:

Ճգնաժամային կառավարման համար պատասխանատու մարմինների ու նրանց լիազօրութիւնների յստակեցման, կշռադատւած ու ժամանակին կատարւած քայլերի, արդիւնաւէտ եւ օպերատիւ կառավարման փոխարէն հետեւողական կերպով փորձեր են կատարւում քաղաքացիների եւ ԶԼՄ-ների նկատմամբ չպատճառաբանւած սահմանափակումներ եւ տոտալ վերահսկողութիւն սահմանելու ուղղութեամբ։ Անտեսւում են առաջնահերթ միջոցառումներ, իսկ որոշ դէպքերում ձեռնարկւում են քայլեր, որոնք այնքան էլ համարժէք չեն համավարակի ընդգրկւածութիւնը նւազեցնելու, մարդկանց կեանքն ու առողջութիւնը պահպանելու, ինչպէս նաեւ հետագայ տնտեսական, ֆինանսական եւ սոցիալական ցնցումները մեղմելու, երկրի անվտանգութիւնը երաշխաւորելու պետութեան պարտաւորութիւնների հետ։

ՀՅԴ Հայաստանի Գերագոյն մարմինը դատապարտում է իշխանութիւնների այս կեցւածքն ու վարքագիծը՝ մէկ անգամ եւս արձանագրելով, որ միայն միասնական ջանքերով եւ հանրային համերաշխութեամբ է հնարաւոր յաղթահարել այս աննախադէպ մարտահրաւէրը։

 

ՀՅԴ Հայաստանի Գերագոյն մարմին


01.04.2020

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։