Հա

Քաղաքական

07/04/2012 - 12:59

alt«Tert.am» - Եւրոմիութեան ընդլայնման եւ եւրոպական հարեւանութեան քաղաքականութեան հարցերով յանձնակատար Շտեֆան Ֆիւլէն ադրբեջանական «ԱՊԱ» գործակալութեան հետ հարցազրոյցում անդրադարձել է նաեւ Լեռնային Ղարաբաղի հակամարտութեան կարգաւորմանը: Անդրադառնալով Եւրոմիութեան դերին՝ խնդրի կարգաւորման հարցում, նա նշել է, որ Եւրոմիութիւնը իրօք մտահոգւած է ԼՂՀ-ի հակամարտութեան լուծման համար, որը շատերը «սառեցւած» են համարում:

«Գործող ստատուս-քւօն անընդունելի է: Անցեալ տարի Հարաւային Կովկասում դեսպան Ֆիլիպ Լեֆորտը նշանակւած էր հակամարտութեան կարգաւորմանն աջակցելու նպատակով: ԵԱՀԿ-ի Մինսկի խումբը միակ ընդունելի ձեւաչափն է խնդրի հանգուցալուծման հարցում: Մինսկի խումբը ջանքեր է գործադրել խնդրի լուծման համար եւ կարեւոր դերակատարում ունեցել, որպէսզի իրավիճակը չսրւի: Եկել է ժամանակը, որ Հայաստանն ու Ադրբեջանը խնդրի խաղաղ լուծմանը նպաստող քայլեր կատարեն: Երկու կողմերն էլ պէտք է հասկանան, որ բարդ իրավիճակ է, ինչի լուծման համար պէտք է փոխզիջումների գնան: Խաղաղութիւնը կը նպաստի տարածաշրջանի բարգաւաճմանը: Կարգաւորման ձգձգումը խաղաղութեան չի յանգեցնի»,- ասել է Ֆիւլէն:
Նա յիշեցրել է, որ Եւրոմիութիւնը քայլեր է ձեռնարկում՝ կողմերի միջեւ վստահութեան աւելացման համար:
Եւրոմիութեան յանձնակատարը նշել է, որ երկու կողմերը պէտք է թուլացնեն լարւածութիւնը՝ շփման գծում, եւ զերծ մնան սադրիչ ելոյթներից:

 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։