Հա

Քաղաքական

28/01/2019 - 10:50

Հայաստանի Հանրապետութեան եւ Արցախի բարձրաստիճան այրերը Եռաբլուրում յարգեցին զոհւած հայորդիների յիշատակը

ՀՀ զինւած ուժերի կազմաւորման 27-րդ տարեդարձի կապակցութեամբ Հայաստանի Հանրապետութեան եւ Արցախի Հանրապետութեան բարձրագոյն ղեկավարութիւններն այցելեցին Եռաբլուր՝ յարգանքի տուրք մատուցելու իրենց կեանքը Հայրենիքի անկախութեան համար զոհաբերած հայորդիների յիշատակին:

«alikonline.ir» - ՀՀ զինւած ուժերի կազմաւորման 27-րդ տարեդարձի կապակցութեամբ Հայաստանի Հանրապետութեան եւ Արցախի Հանրապետութեան բարձրագոյն ղեկավարութիւններն այցելեցին Եռաբլուր՝ յարգանքի տուրք մատուցելու իրենց կեանքը Հայրենիքի անկախութեան համար զոհաբերած հայորդիների յիշատակին: «Արմէնպրես»-ի փոխանցմամբ՝ «Եռաբլուր» պանթէոն այցելեցին ՀՀ նախագահ Արմէն Սարգսեանը, վարչապետ Նիկոլ Փաշինեանը, Արցախի Հանրապետութեան նախագահ Բակօ Սահակեանը, Ն.Ս.Օ.Տ.Տ. Գարեգին Բ Ամենայն Հայոց կաթողիկոսը, ՀՀ ԱԺ նախագահ Արարատ Միրզոյեանը, Պաշտպանութեան նախարար Դաւիթ Տօնոյեանը, բարձրաստիճան այլ պաշտօնեաներ:

Եռաբլուրում հնչեց ՀՀ պետական օրհներգը: Բարձրաստիճան այրերը ծաղիկներ դրեցին սպարապետ Վազգէն Սարգսեանի, զօրավար Անդրանիկի շիրիմներին եւ Արցախեան պատերազմում զոհւած ազատամարտիկների ու զինծառայողների յիշատակը յաւէրժացնող յուշակոթողին: Հնչեց նաեւ ՀՀ ԶՈՒ հիմնը, հոգեւոր հայրերն աղոթք յղեցին առ Աստւած:

Յունւարի 28-ը Հայկական զինւած ուժերի կազմաւորման օրն է, այն 27 տարեկան է: 1992 թ. յունւարի 28-ին ՀՀ կառավարութիւնը ընդունեց «Հայաստանի Հանրապետութեան Պաշտպանութեան նախարարութեան մասին» պատմական որոշում` դրանով իսկ իրաւականօրէն ազդարարելով Հայոց Ազգային բանակի ստեղծումը: 1992 թ. մայիսին պաշտպանութեան նախարարութիւնը սկսեց առաջին զօրակոչը Հանրապետութեան տարածքում` հիմք դնելով բանակը ժամկէտային զինծառայողներով համալրելու կայուն աւանդոյթին:

Հայոց բանակի օրւայ առիթով ՀՀ նախագահական նստավայրում տեղի կունենայ պետական պարգեւների յանձնման հանդիսաւոր արարողութիւն:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։