Հա

Քաղաքական

08/08/2019 - 10:10

Ի՞նչ է գրում BBC-ին Մարտի 1-ի իրադարձութիւնների մասին

BC-ի ռուսական ծառայութիւնն այսօր (օգոստոսի 7-ԽՄԲ.) «Ո՞վ է 2008 թ. Երեւանում կրակել ցուցարարների վրայ. քննութիւնը մատնացոյց է անում Ղարաբաղից ջոկատի վրայ» վերնագրով հրապարակում է արել, որում նշւում է, թէ Մարտի 1-ի գործի նախաքննական նիւթերին ծանօթանալու բացառիկ հնարաւորութիւն է ունեցել:

BBC-ի ռուսական ծառայութիւնն այսօր (օգոստոսի 7-ԽՄԲ.) «Ո՞վ է 2008 թ. Երեւանում կրակել ցուցարարների վրայ. քննութիւնը մատնացոյց է անում Ղարաբաղից ջոկատի վրայ» վերնագրով հրապարակում է արել, որում նշւում է, թէ Մարտի 1-ի գործի նախաքննական նիւթերին ծանօթանալու բացառիկ հնարաւորութիւն է ունեցել: Հրապարակման համաձայն՝ ցուցարարների ուղղութեամբ կրակողներին ղեկավարել է գեներալ-մայոր Սամուէլ Կարապետեանը (Օգանովսկի), որը գործով որպէս վկայ է անցնում: Նախաքննական նիւթերում նաեւ խօսւում է գործարար պատգամաւորների՝ Գագիկ Ծառուկեանի եւ Սամուէլ Ալեքսանյեանի մասին, որոնք կարող էին ֆինանսաւորել Երևեւան բերւած արցախցի ուժայիններին: Ըստ յօդւածագրի՝ քննիչները կարծում են, որ ցուցարարների ուղղութեամբ կրակ են բացել արցախեան ուժայինները, որոնց ղեկավարել է Կարապետեանը, իսկ ջոկատը տեղակայւած է եղել նախագահականի նկուղում: Գեներալ-մայոր Սամուէլ Կարապետեանը, որը յայտնի է նաեւ որպէս Օգանովսկի, ծառայել է Արցախի Պաշտպանութեան բանակում: Հարցաքննութիւնների ժամանակ քննիչները պնդել են, որ հէնց նա է ղեկավարել 2008 թւականին Երեւան տեղափոխւած արցախեան ստորաբաժանումները: Այս փաստը նա հաստատել է 2018 թ. օգոստոսի 15-ի հարցաքննութեան ժամանակ, որին նա կանչւել է վկայի կարգավիճակով: Հարցաքննութիւնը 4 ժամ է տեւել: Ի դէպ՝ որպէս վկայ հարցաքննւելիս Օգանովսկին զբաղեցրել է Արցախի պաշտպանութեան փոխնախարարի պաշտօնը, իսկ 2019-ի ապրիլին ազատւել է պաշտօնից: Նախաքննութեան վարկածով՝ գեներալ Կարապետեանն իր ենթականերից 20 հոգանոց հյատուկ խումբ է կազմաւորել, որը տեղակայւել է Բաղրամեան պողոտայում գտնւող նախագահական նստավայրի նկուղում: Կարապետեանի հարցաքննութեանը մասնակցած քննիչի պնդմամբ՝ այն ժամանակ նախագահ Ռոբերտ Քոչարեանն ու վարչապետ Սերժ Սարգսեանը մի քանի անգամ այցելել են խմբի անդամներին, որոնք պատրաստակամութիւն են յայտնել, հրամանի դէպքում, «կրակել ժողովրդի վրայ», եւ հէնց այդ խումբն է, նախաքննութեան պնդմամբ, մարտի 1-ին կրակել ցուցարարների ուղղութեամբ: Հարցաքննութեան ժամանակ գեներալ Կարապետեանը հերքել է բոլոր մեղադրանքները՝ յայտարարելով, որ «ժողովրդի վրայ կրակելու հրաման ոչ ոք չի տւել»: Կարապետեանի հասցէին նման մեղադրանքներ հնչեցւել են նաեւ մի քանի այլ վկաների հարցաքննութեան ժամանակ, սակայն, ըստ յօդւածի, վերջինները չեն կարողացել հաստատել կամ հերքել Մարտի 1-ի ողբերգութեան մէջ գեներալի դերի մասին տեղեկութիւնը: Ինչ վերաբերում է Գագիկ Ծառուկեանին եւ Սամուէլ Կարապետեանին, նախաքննութեան ընթացքում ՅՔԾ աշխատակիցները քննչական գործողութիւնների ժամանակ պնդել են, որ գործարար պատգամաւորներն են վճարել 2008 թւականի փետրւար-մարտին Երեւան տեղափոխւած արցախցի զինւորականներին, ինչպէս նաեւ ապահովել սննդով: Քննիչը պնդել է, որ Գագիկ Ծառուկեանի ներկայացուցիչներն այցելել են նախագահականում Կարապետեանի հրամանատարութեամբ գտնւող զինւորականներին և նրանց գումար բաժանել: BBC-ի հարցմանն ի պատասխան՝ երկու գործարարներն էլ հերքել են այս տեղեկութիւնը:

 

Ankakh.com

Յարակից լուրեր

  • «Տարածաշրջանում հասունանում է շատ վտանգաւոր իրավիճակ»․ Արման Աբովեան
    «Տարածաշրջանում հասունանում է շատ վտանգաւոր իրավիճակ»․ Արման Աբովեան

    Մինչեւ մեր երկրում բոլորը բոլորի «միսն են ուտում» ներքին քաղաքական դաշտում, տարածաշրջանում հասունանում է շատ վտանգաւոր իրավիճակ, կապւած` իրանեան միջուկային ծրագրի հետ։ Այս մասին ֆէյսբուքեան իր էջում գրել է «Բարգաւաճ Հայաստան» խմբակցութեան պատգամաւոր Արման Աբովեանը։

  • «Հայրենիք»-ի խմբագրական. «Արմենոֆոպիա» մոլուցքը
    «Հայրենիք»-ի խմբագրական. «Արմենոֆոպիա» մոլուցքը

    Քաղաքակիրթ աշխարհը, սկսեալ մարդկային իրաւունքներու պաշտպանութեան համար պայքարող ոչ-կառավարական հիմնարկներէն, մինչեւ Միացեալ Ազգերու Կազմակերպութեան հովանիին տակ գտնուող ենթայանձնախումբերը տեղեակ չեն, թէ որքան մտահոգիչ է Ատրպէյճանի մէջ եւ առ հասարակ ատրպէյճանցիի մօտ գոյութիւն ունեցող հակահայ ատելութիւնն ու մոլուցքը։

  • Հ.Հ. յուշարձաններուն ապագան... Քարակո՞յտ կա՞մ
    Հ.Հ. յուշարձաններուն ապագան... Քարակո՞յտ կա՞մ

    Հայաստանի Հանրապետութեան տարածքին կը գտնուին հայկական պատմամշակութային յուշարձաններու զգալի մէկ մասը: Սկզբնական բաժանում մը կատարելով՝ կրնանք զանոնք տեղաւորել ըստ՝ պատմական ժամանակաշրջանի, ոճային առանձնայատկութեան, եւ ներկայ վիճակի գնահատութեան, որ հիմք կը հանդիսանայ ապագայ կատարուելիք վերականգնողական ու վերաօգտագործման ձեռնարկներու կամ պահպանման ուղղուած գործընթացներու:

  • «Տարածաշրջանում խաղաղութեան եւ կայունութեան ապագայի պատասխանատւութիւնն անձնապէս կրում ենք՝ Արցախի Հանրապետութեան նախագահը, ՀՀ վարչապետը եւ Ալիեւը». Նիկոլ Փաշինեան
    «Տարածաշրջանում խաղաղութեան եւ կայունութեան ապագայի պատասխանատւութիւնն անձնապէս կրում ենք՝ Արցախի Հանրապետութեան նախագահը, ՀՀ վարչապետը եւ Ալիեւը». Նիկոլ Փաշինեան

    Այս պահին հանդիպման պայմանաւորւածութիւն չկայ, բայց բացառել հանդիպում չի կարելի, որովհետեւ քննարկումների փուլում է: Այս մասին այսօր մամուլի ասուլիսին ասաց ՀՀ վարչապետ Նիկոլ Փաշինեանը՝ պատասխանելով լրագրողներից մէկի հարցին, թէ Միւնխէնում պլանաւորւած է Ադրբեջանի նախագահի հետ հանդիպում:

  • Պետութիւն մերժողները. գողական ենթամշակոյթի ու Իմ քայլի ընդհանրութիւնները
    Պետութիւն մերժողները. գողական ենթամշակոյթի ու Իմ քայլի ընդհանրութիւնները

    Լրագրող, հրածարակախօս Վահան Իշխանեանն իր ֆէյսբուքեան էջում գրել է. «Գողական ենթամշակոյթի դէմ քրէական օրէնք ընդունելը վկայում է, որ լիբերալ մտաւորականութիւնն ու քաղաքական գործիչները անկարող լինելով Հայաստանում պերմանենտ տնտեսական ճգնաժամերը բացատրել կապիտալիզմով, արհեստական մեղաւորներ են փնտրում ու որպէս մեղաւոր կարգում գողական աշխարհը։ Ինչպէ՞ս մեղադրեն կապիտալիզմը, մի բան, որին հաւատում են ինչպէս քրիստոնեան Աստծոյ երկրորդ գալստեանն է հաւատում։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։