Print this page
29/09/2019 - 12:28

Ճորճ Սորոսի հաստատութիւնը՝ ամերիկեան «փափուկ» զէնք է ՀԱՅԱՍՏԱՆԻ ՄԷՋ

1991 թ.ին, Խորհրդային Միութեան մասնատումէն ետք, Հայաստան դեռ կը համարուի Մոսկուայի ռազմավարական դաշնակիցը։ Հայաստան սահմանակից է երկու թշնամի երկիրներու՝ որոնք Ազրպէյճանն ու Թուրքիան են։ 

1991 թ.ին, Խորհրդային Միութեան մասնատումէն ետք, Հայաստան դեռ կը համարուի Մոսկուայի ռազմավարական դաշնակիցը։ Հայաստան սահմանակից է երկու թշնամի երկիրներու՝ որոնք Ազրպէյճանն ու Թուրքիան են։ Մինչ միւս դրացիները Իրանն ու Վրաստանն են։ 2003 թ.էն ի վեր, երբ Միացեալ Նահանգները կարողացան «գունաւոր յեղափոխութիւն» կազմակերպել  Վրաստանի մէջ՝ այդ օրէն ի վեր իրավիճակը այս երկրին մէջ կը տառապի անկայունութենէ։ Ուաշինկթըն նեցուկ կանգնեցաւ Միխայիլ Սահակաշվիլիին՝ իշխանութեան գալու Վրաստանի մէջ, որ սկիզբ եղաւ տարածաշրջանային խառնաշփոթութեան գործընթացին։ Մանաւանդ որ Ամերիկա Սահակաշվիլին կը համարէ որպէս օրինակ այն ղեկավարներուն, որոնց երկիրները կը փորձէ դուրս բերել Եւրասիական անջրպետէն։ Ինչպէս նաեւ, Ռուսիոյ հետ կապերէն եւ համագործակցութենէ։

 Ազրպէյճանի մէջ քաղաքական վատ գործընթացներ կան. այնտեղ կը հետեւին Հայաստանի մէջ տեղի ունեցող քաղաքական ցնցումներուն՝ որպէսզի զաւթեն Արցախը, որուն բնակչութեան մեծամասնութիւնը հայեր են։ Մանաւանդ, որ Ազրպէյճանական բանակին եւ Հայաստանի միջեւ Արցախեան պատերազմի ժամանակաւոր աւարտէն ետք, նոյնիսկ զինադադարը կը խախտուի բազմաթիւ զինարձակումներով։ 2016 թ.ին Ազրպէյճան փորձեց զինեալ միջամտութեամբ դարձեալ զաւթել Արցախը, սակայն ստիպուած եղաւ նահանջել հայկական ուժերուն հակա-յարձակումէն եւ Մոսկուայի ազդու միջամտութենէն ետք։

Սակայն բոլոր փաստերը ցոյց կու տան, որ այս ամբողջ ժամանակահատուածին, Ուաշինկթընի խաղերը խռովութիւններ յառաջացուց այս տարածաշրջանին մէջ գտնուող երկիրներէն ներս, որպէսզի անդամակցին ՆԱԹՕ-ին եւ ԱՄՆ-ին անջրպետային-համաշխարհային շահերուն։

Այս նպատակները իրագործելու համար, Ուաշինկթըն կ’աշխուժացնէ ոչ-կառավարական կազմակերպութիւններու ֆինանսաւորումը եւ ղեկավարումը Հայաստանէն ներս, ԱՄՆ-ի ու Եւրոպական Միութեան արտաքին գործոց նախարարութեան եւ «յատուկ» կառոյցներու կողմէ։ Այսինքն, այս կազմակերպութիւններուն կողմէ ճնշումներ բանեցնելով՝ ժողովրդային զայրոյթը շահագործելու Հայաստանին մէջ, Ռուսիոյ եւ Եւրասիական Տնտեսական Միութեան ազդեցութիւնը տկարացնելու համար։ Ամերիկայի ռազմավարութիւնը Հայաստանի մէջ կը կայանայ՝ Սորոսի եւ այլ կրօնական, ընկերային կասկածելի կազմակերպութիւններու միջոցով այս  երկիրը ներթափանցելու վրայ։ Իբր թէ ժողովրդավարական հիմունքներ տարածելու, բայց ծածկելու իրական դերը որպէս կամակատար այն շրջանակներուն, որոնց կը ծառայեն որպէս ֆինանսաւորողներ՝ ինչպէս Ուաշինկթընն ու Եւրոպական Միութիւնը։ Նկատելի է որ անցեալ տարուան յեղաշրջումը Հայաստանի մէջ տեղի ունեցաւ գունաւոր յեղափոխութիւններու ոճով եւ  ոչ թէ թափանցիկ ժողովրդավարութեամբ։

Ուաշինկթըն չգոհացաւ իր նոր փորձարկումներով Հայաստանի մէջ, այլ շարունակեց գունաւոր յեղափոխութիւն հրահրել վնասելու համար հայ-ռուսական յարաբերութիւնները, մանաւանդ որ Հայաստան կը համարուի ռազմավարական երկիր Մոսկուայի համար։ Իսկ

Ուաշինկթընի միջամտութիւնները Հայաստանի ներքին իրադարձութիւններուն կը յատկանշուին նաեւ Երեւանի մէջ Ճորճ Սորոսին պատկանող «բաց հասարակութեան հաստատութեան» մնայուն գրասենեակին գործունէութեամբ։

Անցեալ տարի, Ճորճ Սորոսին պատկանող կազմակերպութիւնը, Փետրուար ամսուն  յայտարարեց Եւրոպական Միութեան հետ ծրագրի մը մասին, որ պիտի աշխուժացնէ երիտասարդութեան ու երիտասարդ լրագրողներուն դերը, որպէս կամուրջ Արեւմուտքի եւ Հայաստանի մարդու իրաւունքներու պաշտպաններու միջեւ։ Այս կազմակերպութեան նեցուկ կը կանգնէր «Իրաւունքներու անսահմանափակ» շարժումը, որ ինչպէս յայտնի դարձաւ, կը ֆինանսաւորուէր Սորոսի «Բաց հասարակութեան հաստատութեան», Ամերիկայի Արտաքին գործոց նախարարութեան եւ Եւրոպական Միութեան կողմէ։ Վերջերս, Հայաստանի ղեկավարութիւնը կարողացաւ սահմանափակել Ճորճ Սորոսի կազմակերպութեանց գործունէութիւնը՝ ղեկավարուած ամերիկեան դեսպանատան կողմէ։ Սակայն Ճ. Սորոսի կազմակերպութիւնը իր գրասենեակներն ու գործունէութիւնը ծաւալեց հայկական միւս քաղաքներուն մէջ՝ ինչպէս Կիւմրի եւ Վանաձոր՝ ուր կը գտնուի Հելսինքիի մարդու իրաւունքներու կազմակերպութեան գրասենեակը՝ որ Դիլիջանի մէջ հաստատուած UVC  միջազգային դպրոցին մասնաճիւղն է։

Գոյութիւն ունին նաեւ կրօնական եւ համայնքային կազմակերպութիւններ, որոնք բացասական դեր կը խաղան, Հայաստանի մէջ տիրող մշակոյթի խեղաթիւրման մէջ։ Անոնցմէ են «Եհովայի Վկաները», «Մորմոններ ը », կեղծ «Աւետարանչականները»։ Վերջիններս շարք մը  դասախօսութիւններ եւ հանդիպումներ կը կազմակերպեն դպրոցներու մէջ, փոքրերուն

ուսուցանելու արեւմտեան շեղուած հիմունքներ, որոնք չեն համապատասխաներ Հայաստանի մէջ տիրող բարքերուն եւ ընտանեկան հասկացողութիւններուն։ Հետաքրքրական է, որ այս կեդրոնները, որոնք կը պատկանին աղանդաւորականներու, կը գտնուին գլխաւորաբար մարդաշատ շրջաններու մէջ, ինչպէս Հայաստանը՝ Իրանին եւ Վրաստանին կապող մայրուղիներուն վրայ…։ Այսինքն՝ դիւրին կ’ըլլայ զանգուածային ցոյցեր կազմակերպել եւ Հայաստանը կղզիացնել շրջակայ երկիրներէն, այդ մայրուղիներու փակման հետ։

Այսպիսի քայլերու երթալ Սորոսի կազմակերպութեան կողմէ, դիւրաբորբոք երիտասարդութեան շարքերուն մէջ, որոնք պատրաստ են անմիջապէս ցոյցերու մասնակցիլ,  նաեւ կը նպատակադրէ, ժողովուրդին մէջ այնպիսի զգացումներ տարածել վարչապետ Փաշինեանի դէմ, որ գոհ չեն նոր կեանքի պայմաններէն, այսպիսով պատժելով զինք, որ ամբողջ յարաբերութիւնները չէ խզած Ռուսիոյ հետ։ Արեւմուտքի որոշ շրջանակներու աշխատանքը՝ Սորոսի կազմակերպութեան ընդմէջէն պառակտել է հայ ժողովուրդի ներքին միասնութիւնը։ Նաեւ՝ ատելութիւն սերմանել ամէն իշխանութեան հանդէպ, որ կապեր կը պահպանէ Ռուսիոյ հետ։ Մէկ խօսքով, փոփոխելով հայկական աւանդական սովորոյթներն ու հասկացողութիւնները, խեղաթիւրելով պատմութիւնը եւ դարաւոր բարեկամութիւնը Ռուսիոյ հետ։

 

Համադրեց՝ ՀԱՄՕ ՄՈՍԿՈՖԵԱՆ

Պէյրութ