Հա

Քաղաքական

16/01/2020 - 11:30

Թեւան Պօղոսեանը Արցախում ընտրական գործընթացների մեկնարկին թեկնածուներին առաջարկներ է ներկայացրել

«Մարդկային զարգացման միջազգային կենտրոն» ՀԿ նախագահ Թեւան Պօղոսեանը,  ֆէյսբուքեան իր էջում գրառում է կատարել՝ հրապարակային առաջարկներ ներկայացնելով Արցախի Հանրապետութիւնում սպասւող ընտրական գործընթացների մեկնարկին։

«alikonline.ir» - «Մարդկային զարգացման միջազգային կենտրոն» ՀԿ նախագահ Թեւան Պօղոսեանը,  ֆէյսբուքեան իր էջում գրառում է կատարել՝ հրապարակային առաջարկներ ներկայացնելով Արցախի Հանրապետութիւնում սպասւող ընտրական գործընթացների մեկնարկին։

Նա խորհուրդ է տւել քննարկել, ինքնակազմակերպւել, իրականացնել ու ապացուցել, որ գիտենք իրար հետ ապրել, գիտենք միմեանց հոգս ու ցաւ կիսել, մենք գիտենք իրար պաշտպանել եւ միասնական լինել։

 «Որո՞նք են մեր առաջնահերթութիւնները՝ որպէս սեփական ինքնութիւն ունեցող հանրոյթ: Մեր հաւատքը, մեր դպրոցը, մեր առողջութիւնն ու մեր անվտանգութիւնը: Ուստի, փորձենք խորհրդանշական մի քանի գործողութեամբ սկսել եւ ամփոփել նախընտրական քարոզարշաւը՝ ի ցոյց դնելով մեր միասնականութիւնը այդ գործողութիւններում, իսկ խնդիրներին արձագանքելու մօտեցումների տարբերութիւնները քննարկել դրանց արանքում»,- գրել է Թեւան Պօղոսեանը:

Նա առաջարկել է, որ Արցախի նախագահի թեկնածուների նախընտրական քարոզարշաւի առաջին օրը միասին սկսել Դադիվանքում՝ պատի ամրացման համար համատեղ աշխատանքով եւ սիմւոլիկ, հաւասարաչափ նւիրատւութեամբ:

Առաջարկել է նաեւ մէկ շաբաթ անց միասին այցելել որեւէ կրթական օջախ, հանդիպել աշխատակիցներին եւ սովորողներին, համատեղ օգնել վերանորոգման որեւէ աշխատանքին եւ սիմւոլիկ եւ հաւասարաչափ նւիրատւութիւն կատարել հետագայ աշխատանքների համար, քանի որ «մեր միասնութիւնը որակեալ ԿՐԹՈՒԹԻՒՆՈՒՄ է»։

Թեւան Պօղոսեանի երրորդ առաջարկն է՝ բոլոր թեկնածուներով այցելել նաեւ առողջապահական որեւէ հաստատութիւն, քանի որ «մեր միասնութիւնը մեր ՀՈԳԱՏԱՐՈՒԹԵԱՆ մէջ է»։

«Քարոզարշաւի վերջին օրը բոլոր թեկնածուները կամ կուսակցութիւնների ղեկավարները միասին այցելում են որեւէ զօրամաս.

Մեր միասնութիւնը մեր ԱՆՎՏԱՆԳՈՒԹԻՒՆՆ է։

Միասնական այց Արցախի Հանրապետութեան որեւէ զօրամաս եւ միասնական աշխատանք որեւէ կառոյցի ամրապնդման գործում կամ սպասարկում խոհանոցում։

Ընդամենը 4000 դրամ սիմւոլիկ նւիրատւութիւն որեւէ հիմնադրամի, որն զբաղւում է զինծառայողների խնդիրներով»,- գրել է Թեւան Պօղոսեանը:

Յարակից լուրեր

  • «Ապառաժ»-ի խմբագրական. Յաղթե՛լ ենք միասին, չե՛նք զիջի միասին, կը զարգանա՛նք միասին
    «Ապառաժ»-ի խմբագրական. Յաղթե՛լ ենք միասին, չե՛նք զիջի միասին, կը զարգանա՛նք միասին

    Մարտի 31-ին Արցախում կայանալու են նախագահական եւ խորհրդարանական ընտրութիւններ: Ավարտին է մօտենում ընտրութիւնների քարոզարշաւի փուլը: Մի քանի օրից Արցախի ժողովուրդն առիթ կունենայ քւէարկութեան միջոցով իր կամքն արտայայտել՝ նախագահի եւ կուսակցութիւնների նախընտրած թեկնածուներին յանձնելով երկրի կառավարման ղեկը:

  • «Առաջարկել ենք, որ անվտանգութեան խորհրդի ընդլայնւած նիստ գումարւի». Դաւիթ Իշխանեան
    «Առաջարկել ենք, որ անվտանգութեան խորհրդի ընդլայնւած նիստ գումարւի». Դաւիթ Իշխանեան

    «Իրաւական հարթութիւնը եւ օրէնքներն ու Սահմանադրութիւնը այդպիսի հնարաւորութիւն տալիս են՝ ընտրութիւնները յետաձգելու, եթէ յայտարարւի արտակարգ դրութիւն կամ ռազմական դրութիւն: Արտակարգ իրավիճակ յայտարարելու պարագայում ընտրութիւնները կայանում են: Պէտք է բաւարար պայմաններ լինեն, այս պարագայում Արցախում չկայ որեւէ դէպք եւ կարծես չկան այդ պայմանները»,- «Փաստինֆօ»-ի հետ զրոյցում ասաց ՀՅԴ Արցախի Կենտրոնական կոմիտէի ներկայացուցիչ, Արցախի նախագահի թեկնածու Դաւիթ Իշխանեանը:

  • «Հայրենիք»-ի խմբագրական․ Արցախը կ՛ընտրէ
    «Հայրենիք»-ի խմբագրական․ Արցախը կ՛ընտրէ

    Ամբողջ աշխարհը ճգնաժամի մէջ է։ Իսկ Արցախը, բնութեան գիրկին մէջ բազմած այդ դրախտը, շարունակ ճգնաժամի մէջ եղած է։ Չկայ բնութեան կողմէ պարտադրուած համաճարակը, սակայն շարունակ ներկայ է թշնամին՝ արցախցիին պսակաձեւ ժահրը՝ Ատրպէյճանը։ Դեռ քանի մը օր առաջ, ճիշդ թուականը նշելու համար, Մարտ 23-ին, նշուեցաւ աննման «պարիսպներու քաղաք» Շուշիի կոտորածին հարիւրերորդ տարելիցը։

  • «Իրաւական կարգաւորումները դէպի արտակարգ դրութիւն տանող նախադրեալներ չկան». Դաւիթ Իշխանեան
    «Իրաւական կարգաւորումները դէպի արտակարգ դրութիւն տանող նախադրեալներ չկան». Դաւիթ Իշխանեան

    Մենք ամենօրեայ կապի մէջ ենք ԱՀ առողջապահութեան նախարարի հետ՝ նոր կորոնավիրուսի տարածման վերաբերեալ ինֆորմացիա ստանալու առումով:

  • Կոչ` հայ ժողովուրդին
    Կոչ` հայ ժողովուրդին

    Համայն մարդկութիւնը այս օրերուն կը տառապի «քորոնա» ժահրի (կորոնավիրուս) յառաջացուցած տագնապով: Համաճարակը լուրջ է, ցարդ կը շարունակէ անսանձ տարածուիլ եւ կը վարակէ ու կը խլէ նկատառելի քանակով զոհեր:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։