Հա

Քաղաքական

08/04/2019 - 12:00

Թուրքիայում յետընտրական պայքարն աւելի է թէժանում

Թուրքիայի իշխող «Արդարութիւն եւ զարգացում» կուսակցութիւնը բողոքարկել է Անկարայի ընտրութեան արդիւնքները` պահանջելով վերահաշւարկ: Անկարայի նահանգային ընտրական յանձնաժողովը մերժել է ԱԶԿ-ի այս պահանջը:

«alikonline.ir» - Թուրքիայի իշխող «Արդարութիւն եւ զարգացում» կուսակցութիւնը բողոքարկել է Անկարայի ընտրութեան արդիւնքները` պահանջելով վերահաշւարկ: Անկարայի նահանգային ընտրական յանձնաժողովը մերժել է ԱԶԿ-ի այս պահանջը: ԱԶԿ փոխնախագահ Ալի Իհսան Եաւուզը յայտարարել է, որ դիմելու են Թուրքիայի Բարձրագոյն ընտրական յանձնաժողով` Անկարայում ստացած քւէները դարձեալ հաշւելու համար: Հաղորդում է «Yerkir.am»-ը՝ «gazeteduvar.com.tr» կայքին յղումով:

Նշենք, որ գլխաւոր ընդդիմադիր «Ժողովրդա-հանարապետական» կուսակցութեան  թեկնածու Մանսուր Եաւաշը յաղթել էր ԱԶԿ թեկնածու Մեհմեթ Օզհասեքիին:

Շարունակւում է նաեւ Ստամբուլի ընտրութեան արդիւնքների վերահաշւարկը: Թէեւ ընդդիմադիր ՀԺԿ թեկնածուն, դեռեւս ոչ պաշտօնական տւեալներով` ընտրւած Ստամբուլի քաղաքապետ Էքրեմ Իմամօղլուի ձայները գնալով նւազում են վերահաշւարկի արդիւնքում, այնուհանդերձ, արդէն վերահաշւարկւած 80% քւէների համաձայն` Իմամօղլուն ԱԶԿ թեկնածու Բինալի Եըլդըրըմից առաջ է մօտ 16 հազար ձայնով: Սակայն ԱԶԿ փոխնախագահ Եաւուզը յայտարարել է, որ դարձեալ պահանջելու են Ստամբուլի արդիւնքների վերահաշւարկ:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։