Հա

Քաղաքական

01/09/2019 - 11:50

Հերթական հրաձգութիւնը՝ Տեխասում. սպանւել է 5 մարդ, վիրաւորւել՝ 24-ը

ԱՄՆ Տեխաս նահանգում տեղի ունեցած հերթական հրաձգութեան արդիւնքում սպանւել է 5 մարդ, այդ թւում՝ հրաձիգը, վիրաւորւել՝ 24-ը:

«alikonline.ir» - ԱՄՆ Տեխաս նահանգում տեղի ունեցած հերթական հրաձգութեան արդիւնքում սպանւել է 5 մարդ, այդ թւում՝ հրաձիգը, վիրաւորւել՝ 24-ը. յայտնում է Reuters-ը:

Հրաձգութիւնը տեղի է ունեցել շաբաթ օրը, Միդլենդ եւ Օդեսա քաղաքների շրջանում:

Շուրջ 30 տարեկան սպիտակամորթ հրաձիգը նախ փողոցում կրակ է բացել անցորդների եւ աւտոմեքենաների ուղղութեամբ: Այնուհետեւ նա լքել է իր մեքենան եւ առեւանգել փոստային բեռնատարը: Ոստիկանութեանը յաջողւել է նրան վնասազերծել Օդեսայի կինոթատրոնում:

Միջադէպի դրդապատճառները դեռեւս յայտնի չեն:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։