Հա

Քաղաքական

15/10/2019 - 14:00

Ակնարկ. Քրտաթափուող տարածքներ եւ սուրիական ուժերու տեղակայումներ

Թրքական ներխուժումը` Սուրիա, արդէն իսկ սկսած է ենթարկուիլ որոշ ձեւափոխումներու: Ամերիկեան լքումին եւ ռուսական լռութեան միջեւ զօրքերը դէպի Սուրիա տեղաշարժած Թուրքիան այժմ իր յայտարարողական յոխորտանքներուն ոչ համարժէք իրավիճակի մէջ սկսած է յայտնուիլ: Յստակ է սուրիական զօրքերու տեղաշարժը դէպի հիւսիս` Թուրքիոյ հետ սահմանին երկայնքով:

Թրքական ներխուժումը` Սուրիա, արդէն իսկ սկսած է ենթարկուիլ որոշ ձեւափոխումներու: Ամերիկեան լքումին եւ ռուսական լռութեան միջեւ զօրքերը դէպի Սուրիա տեղաշարժած Թուրքիան այժմ իր յայտարարողական յոխորտանքներուն ոչ համարժէք իրավիճակի մէջ սկսած է յայտնուիլ: Յստակ է սուրիական զօրքերու տեղաշարժը դէպի հիւսիս` Թուրքիոյ հետ սահմանին երկայնքով:

Յայտարարողական եւ պատժամիջոցներու դիմելու եւրոպական սպառնալիքները գրեթէ համընթաց են ամերիկեան կեցուածքներուն: Այսինքն, նախ թոյլատրել ներխուժումը գետնի վրայ, ապա պահանջել գործողութիւններու դադրեցումը, անյապաղ թրքական զօրքերու դուրս բերումը Սուրիայէն:

Նախ Եւրոպական Միութեան ղեկավար պետութիւններէն Գերմանիան էր, որ նման յստակ պահանջով հանդէս եկաւ: Ապա, պաշտօնական Հռոմը պարզ դարձուց, որ իր երկիրը պիտի արգիլէ Թուրքիոյ ուղղուած զէնքի մատակարարումները:

Ֆրանսայի պետութեան պաշտօնական բանբերները պարզ դարձուցին, որ սպառազինութեան կասեցման առընթեր Ֆրանսան պիտի մեծցնէ իր դիւանագիտական ջանքերը ՏԱՀԵՇ-ի դէմ համախոհ իր գործընկերներուն հետ` սերտ համակարգումով Եւրոպական Միութեան, ՕԹԱՆ-ի եւ ՄԱԿ-ի Ապահովութեան խորհուրդի շրջագիծին մէջ` ապահովելու համար Թուրքիոյ ներխուժման անյապաղ դադրեցումը:

Մինչ, Եւրոպական Միութեան դիւանագիտութեան ղեկավար Ֆետերիքա Մոկերինին յայտարարեց, որ ռազմական գործողութիւններու ուղղակի հետեւանքը ՏԱՀԵՇ-ի վերածնունդն է:

Ներխուժումէն ետք հնչած այս ահազանգներն ու սպառնալիքները գետնի վրայ հզօր ազդեցութիւն գործելու շատ հնարաւորութիւններ չունին: Ազդեցիկ գործօնները հիմնականին մէջ ռուսականն է ու ամերիկեանը, որոնք յայտնաբար համաձայնած են հիւսիսային շրջանի քրտական տարածքները մաքրազտել: Մաքրազտման գործիքի դերը վստահած են Թուրքիոյ: Մէկը տարածքը լքելով, միւսը լուր դիտելով ռազմական իրադարձութիւններու զարգացումը: Խաղի կանոնները այս ձեւաչափին վրայ հիմնած են երկու գերտէրութիւնները:

Ռազմախաղի այս կանոններուն հետեւելով է, որ կը մշուշազերծուի հետեւեալ բանաձեւը: Թրքական կողմը գոհ է, որ իր առաջադրած անվտանգութեան գօտին կը քրտաթափուի, սակայն քրտական զինեալ ուժերը կը փոխարինուին ոչ թէ թրքականով, այլ` սուրիականով: Թուրքիոյ չ՛արտօնուիր նոյնիսկ սուրիական հակակառավարական ուժերուն վերահսկողութեան տակ յանձնել այդ տարածքները:

Ներխուժման առաջադրանքները այս ընթացքով կը ձեւափոխուին աւելի ճիշդը կ՛առարկայանայ այն, ինչ որ համաձայնած է ռուս-ամերիկեան գերտիրութիւնը:

Եւրոպան, այս պարագային Հռոմով, Պերլինով թէ Փարիզով պարզապէս գերտիրութեան որոշումներուն ընդառաջ արձագանգումներ կը կատարէ: Չմոռնանք, որ ՕԹԱՆ-ի ղեկավարը պարզ դարձուցած էր, որ իրենք կ՛ըմբռնեն Թուրքիոյ սանձազերծած ռազմական գործողութիւններու նպատակը եւ աւելի՛ն ` ընդունելի կը նկատեն զայն:

Հաւանաբար այդ համաձայնութեան կայացման կ՛ակնարկէր Ռուսիոյ դաշնութեան արտաքին գործոց նախարարը, երբ կը յայտարարէր, որ սուրիական պատերազմը աւարտած է: Այդ յայտարարութենէն բաւական ետք էր, որ կը սկսէր Անգարայի ներխուժումը` պատերազմի նոր տեսքով: Այսինքն` պատերազմի աւարտը ազդարարող գործողութիւններով:

Մեծ հարցականը հետեւեալն է. պայմանաւորուածութիւնները որքան կիրարկելի կը դառնան, երբ առնչուած հիմնական կողմ է Անգարան,որ ո՛չ միայն տարածքները քրտաթափելու եւ քրտական զինեալ գործօնները աշխարհագրականօրէն միաւորելու գործընթացը չէզոքացնելու միտումը ունի, այլ նաեւ տարածաշրջանին մէջ անշրջանցելի ներկայութիւն դառնալու օրակարգ:

Չի բացառուիր, որ ներխուժած թրքական եւ տեղակայուող սուրիական զօրքերուն միջեւ արձանագրուին բախումներ: Այդ պարագային է հաւանաբար, որ կը խախտի ռուսական լռութիւնը:

 

«Ազդակ»

Յարակից լուրեր

  • Սուրիոյ Իսկէնտէրունի վարչատարածքին մասին 1947-ին գրուած CIA-ի գաղտնի տեղեկագիրը
    Սուրիոյ Իսկէնտէրունի վարչատարածքին մասին 1947-ին գրուած CIA-ի գաղտնի տեղեկագիրը

    80 տարի առաջ, թուրք-ֆրանսական քաղաքական դաւադիր պայմանաւորուածութեամբ, Սուրիոյ պատկանող Իսկէնտէրունի մարզային վարչատարածքը կցուեցաւ Թուրքիոյ Հանրապետութեան։

    11-14-րդ դար Իսկենտէրունի տարածքը մաս կազմած է Կիլիկիոյ Հայկական թագաւորութեան, որուն պատճառով մինչեւ 20-րդ դար այնտեղ գոյատեւած են հայկական բնակավայրեր, որոնցմէ ամենէն մեծն էր Մուսալեռը։

  • Էրտողանեան ընթերցուած մը՝ Կոստանդնուպոլսոյ հայոց պատրիարքութեան
    Էրտողանեան ընթերցուած մը՝ Կոստանդնուպոլսոյ հայոց պատրիարքութեան

    Կոստանդնուպոլսոյ Հայոց Սահակ Երկրորդ Մաշալեան պատրիարքին գահակալութեան արարողութենէն չորս օր ետք՝ Թուրքիոյ նախագահ Ռեճէպ Էրտողան Անգարայի նախագահական պալատին մէջ ընդունեց պատրիարքն ու անոր ընկերակցող պատուիրակութիւնը, որոնց հետ մէկ ժամ տեւած դռնփակ տեսակցութեան մասին բաւական ժլատ տեղեկութիւններ փոխանցեց Պոլսահայ «Ժամանակ» պարբերականը։

  • Ռուսաստանի պաշտպանութեան գիծը հնարաւոր է դարձեալ հասնի Արաքս
    Ռուսաստանի պաշտպանութեան գիծը հնարաւոր է դարձեալ հասնի Արաքս

    Գերմանիայի ԱԳՆ ղեկավար Հայկօ Մաասը հանդէս է եկել Իրանի վերաբերեալ յայտարարութեամբ: «ԱՄՆ-ն ու Եւրոպան տարբեր մօտեցումներ ունեն: Թէեւ ԱՄՆ-ը միակողմանիօրէն հրաժարւեց միջուկային համաձայնագրից եւ անցաւ առաւելագոյն ճնշումների, մենք ցանկանում ենք առաջընթացի հասնել բանակցութիւնների միջոցով: Ֆրանսիան, Մեծ Բրիտանիան եւ Գերմանիան ցանկանում են պահպանել համաձայնագիրը, որպէսզի կանխեն Իրանի կողմից միջուկային զէնքի ստեղծումը:

  • Կեսարիայի հայկական ժայռափոր եկեղեցին աւերւել է գանձագողերի կողմից
    Կեսարիայի հայկական ժայռափոր եկեղեցին աւերւել է գանձագողերի կողմից

    Թուրքիայի ներկայիս Կայսերի (պատմ. Կեսարիա) քաղաքի Մելիքգազի շրջանի Բաղփընար թաղամասում գտնւող հայկական Սուրբ Աստւածածնի աւետման ժայռափոր եկեղեցին բազմակի անգամ ենթարկւել եւ շարունակում է ենթարկւել գանձ որոնողների յարձակումներին:

  • Անդրադարձ. «Յաղթանակ»-ի մասին զաւեշտակա՞ն, թէ՞ անկեղծ յայտարարութիւն
    Անդրադարձ. «Յաղթանակ»-ի մասին զաւեշտակա՞ն, թէ՞ անկեղծ յայտարարութիւն

    Կիրակի, 19 յունուարին Գերմանիոյ մայրաքաղաքին մէջ տեղի ունեցաւ Լիպիոյ տագնապի քննարկման նուիրուած «Պերլինի խորհրդաժողով»-ը, որուն կը մասնակցէին 11 պետութիւններու, 3 միջազգային ու շրջանային կազմակերպութիւններու, ինչպէս նաեւ տագնապին առնչակից անմիջական կողմերու ղեկավարները: Մասնակից պետութիւններու շարքին էր Թուրքիան:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։