Հա

Քաղաքական

21/01/2020 - 14:30

Անդրադարձ. «Յաղթանակ»-ի մասին զաւեշտակա՞ն, թէ՞ անկեղծ յայտարարութիւն

Կիրակի, 19 յունուարին Գերմանիոյ մայրաքաղաքին մէջ տեղի ունեցաւ Լիպիոյ տագնապի քննարկման նուիրուած «Պերլինի խորհրդաժողով»-ը, որուն կը մասնակցէին 11 պետութիւններու, 3 միջազգային ու շրջանային կազմակերպութիւններու, ինչպէս նաեւ տագնապին առնչակից անմիջական կողմերու ղեկավարները: Մասնակից պետութիւններու շարքին էր Թուրքիան:

ՎԱՀՐԱՄ ԷՄՄԻԵԱՆ

 

Կիրակի, 19 յունուարին Գերմանիոյ մայրաքաղաքին մէջ տեղի ունեցաւ Լիպիոյ տագնապի քննարկման նուիրուած «Պերլինի խորհրդաժողով»-ը, որուն կը մասնակցէին 11 պետութիւններու, 3 միջազգային ու շրջանային կազմակերպութիւններու, ինչպէս նաեւ տագնապին առնչակից անմիջական կողմերու ղեկավարները: Մասնակից պետութիւններու շարքին էր Թուրքիան:

Թուրքիոյ նախագահի բանբեր Իպրահիմ Քալըն երէկ «Թուիթըր»-ի վրայ գրեց. «Լիպիոյ տագնապին նկատմամբ նախագահ Ռեճեփ Թայիփ Էրտողանի կիրարկած արդիւնաւէտ եւ բազմակողմանի գործունէութիւնը Թուրքիան վերածեց տագնապի լուծման հիմնական մասնակիցներէն մէկուն»: «Թուրքիան պիտի շարունակէ իր շինիչ ու խաղաղ քաղաքականութիւնը` ընդդէմ փոխանորդներով պատերազմներուն», աւելցուց ան:

Լիպիոյ տագնապի հարցին մէջ Էրտողանի կիրարկած քաղաքականութիւնը Թուրքիոյ տեղ ապահովեց «Պերլինի վեհաժողով»-ի սեղանին վրայ: Այդ քաղաքականութիւնը «արդիւնաւէտ» կարելի էր կոչել, եթէ անոր նպատակը ըլլար այդ վեհաժողովին մէջ աթոռ ունենալը, որ թէեւ ձեռքբերում մըն է եւ տագնապի լուծման մէջ դերակատարի կարգավիճակ կը շնորհէ, սակայն ներկայ պահուս «յաղթանակ»-ի մասին խօսիլը կը նմանի արջը չսպաննած մորթը ծախելուն: Այդ ձեւական եւ ոչ խորքային յաղթանակի շեփորումը արտաքին քաղաքականութեան չ՛առնչուիր, այլ` ներքին սպառման համար է, ներքին քաղաքականութեան ծիրին մէջ կատարուած քարոզչութիւն մըն է, ուստի եւ անոր միակ հասցէատէրը թրքական հասարակութիւնն է:

Արտաքին քաղաքականութեան տեսանկիւնէն, Պերլինի վեհաժողովին մասնակցութիւնը Թուրքիոյ համար ընդամէնը բարոյական յաղթանակ մըն է, որուն աղբիւրը մասնակից այլ երկիրներուն` Եգիպտոսի, Ռուսիոյ, Ֆրանսայի նման տագնապի կողմերէն մէկուն աջակիցն ու դաշնակիցը, տագնապին մասնակից կողմ ըլլալու հանգամանքն է:

Այլ խօսքով` զաւեշտական է Քալընի այն պնդումը, թէ «Թուրքիան պիտի շարունակէ իր շինիչ ու խաղաղ քաղաքականութիւնը` ընդդէմ փոխանորդներով պատերազմներուն»: Ատիկա թերեւս այդքան ալ հեգնական չէ եւ կրնայ անկեղծ համոզումի մը արտայայտութիւնը ըլլալ, որովհետեւ ցեղասպան պետութեան մը արժեչափերով զօր. Խալիֆա Հաֆթարի ուժերուն դէմ կռուելու համար թրքական ուժեր եւ Սուրիայէն թրքամէտ 2000-3000 ահաբեկիչներ Թրիփոլի տեղափոխելը կրնայ «շինիչ ու խաղաղ քաղաքականութիւն» ըլլալ:

 

«Ազդակ»

Յարակից լուրեր

  • Անդրադարձ. «Քորոնա»-ի տնտեսական արդիւնքը
    Անդրադարձ. «Քորոնա»-ի տնտեսական արդիւնքը

    Աշխարհի համաշխարհայնացուած ներկայ համակարգը մեծապէս նպաստեց այս ժահրի տարածումին, մանաւանդ Եւրոպայի մէջ, ուր «անտեսանելի թշնամի»-ին տարածման կշռոյթը շատ արագ է, իսկ մահերուն ու վարակուածներուն թիւը` բարձր:

  • Նկատումներ ինքնամեկուսացնող ժահրի մասին
    Նկատումներ ինքնամեկուսացնող ժահրի մասին

    Աշխարհի համաշխարհայնացուած ներկայ համակարգը մեծապէս նպաստեց այդ ժահրին տարածումին, մանաւանդ Եւրոպայի մէջ, ուր «անտեսանելի թշնամի»-ին տարածման կշռոյթը շատ արագ է: Արդարեւ, բաց սահմաններու եւ արագ հաղորդակցութեան բարիքը վերածուեցաւ չարիքի. ժահրը անարգել ու դիւրութեամբ տարածուեցաւ, ուստի բոլոր երկիրներն ալ դիմեցին իրենց սահմաններու փակման` ինքնամեկուսացման: 

  • «Անկարան Իդլիբում ինքնուրոյն գործողութիւններ չի իրականացնի». Շահան Գանդահարեան
    «Անկարան Իդլիբում ինքնուրոյն գործողութիւններ չի իրականացնի». Շահան Գանդահարեան

    Սիրիայի Իդլիբ նահանգի «ԷՄ4» մայրուղու մօտ ռուս-թուրքական միացեալ վերահսկողութեան գործողութիւններ կը սկսւեն մարտի 15-ից: «Արմէնպրես»-ի հետ զրոյցում ասաց Լիբանանի «Ազդակ» օրաթերթի գլխաւոր խմբագիր Շահան Գանտահարեանը՝ յիշեցնելով, որ պայմանաւորւածութիւնը ձեռք է բերւել Մոսկւայում կայացած Պուտին-Էրդողան հանդիպման ընթացքում։

  • Անդրադարձ. 1839-ին հնչած այժմէական զգուշացում մը
    Անդրադարձ. 1839-ին հնչած այժմէական զգուշացում մը

    Դեմոկրատական Ֆրանքլին Տ. Ռուզվելթ 1932-ին ընտրուեցաւ Միացեալ Նահանգներու նախագահ` ապահովելով քուէներուն 57 առ հարիւրը: 1933-ին անոր երդման արարողութեան ժամանակ աշխատաւորներուն մէկ չորրորդը անգործ էր եւ երկրին արտադրութիւնը 1929-ի Տնտեսական մեծ ճգնաժամին պատճառով նուազած էր կէսի:

  • Անդրադարձ. Անամօթ առաջարկէ մը աւելին
    Անդրադարձ. Անամօթ առաջարկէ մը աւելին

    Թուրքիոյ նախագահ Ռեճեփ Թայիփ Էրտողան յայտնեց, որ իր ռուս պաշտօնակից Վլատիմիր Փութինին առաջարկած է Տէր Զօրի մէջ քարիւղի դաշտերը փոխադարձաբար կառավարել` աւելցնելով, որ Փութին այդ առաջարկը կը սերտէ, «եւ կրնանք նոյնպիսի առաջարկ մը ներկայացնել Թրամփին»: Փութին այս առաջարկը լսելէ ետք, արդեօք ինչպիսի՞ նայուածք մը ուղղեց իր թուրք պաշտօնակիցին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։