Հա

Քաղաքական

05/01/2020 - 13:20

Հայաստանի եւ Իրանի ԱԳ նախարարները քննարկել են մերձաւորարեւելեան տարածաշրջանում ստեղծւած իրավիճակը

Իրանական կողմի նախաձեռնութեամբ յունւարի 5-ին տեղի է ունեցել հեռախօսազրոյց Հայաստանի եւ Իրանի ԱԳ նախարարներ Զոհրաբ Մնացականեանի եւ Մոհամմադ Ջաւադ Զարիֆի միջեւ:

«alikonline.ir» - Իրանական կողմի նախաձեռնութեամբ յունւարի 5-ին տեղի է ունեցել հեռախօսազրոյց Հայաստանի եւ Իրանի ԱԳ նախարարներ Զոհրաբ Մնացականեանի եւ Մոհամմադ Ջաւադ Զարիֆի միջեւ: «Արմէնպրես»-ին այս մասին յայտնեցին ՀՀ ԱԳՆ լրատւութեան եւ հանրային դիւանագիտութեան վարչութիւնից։ 

ԱԳ նախարարները քննարկել են վերջին օրերին Բաղդադում մարդկային զոհերի յանգեցրած դէպքերի հետեւանքով մերձաւորարեւելեան տարածաշրջանում ստեղծւած իրավիճակը: ԱԳ նախարար Մնացականեանը ՀՀ կառավարութեան անունից ցաւակցութիւն է յայտնել Իրանի կառավարութեանը եւ ժողովրդին՝ Իրանի բարձրաստիճան պաշտօնեայի վախճանի կապակցութեամբ: ՀՀ ԱԳ նախարարը կարեւորել է հետագայ լարվածութեան կանխումը եւ խաղաղ միջոցներով իրադրութեան լիցքաթափումը: 

Հայաստանի ԱԳ նախարարն ընդգծել է Հայաստանի պատրաստակամութիւնը շարունակելու սերտ համագործութիւնը իր բոլոր գործընկերների հետ տարածաշրջանային կայունութեան եւ անվտանգութեան ուղղութեամբ:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։