Հա

Քաղաքական

09/01/2020 - 10:30

Հրապարակւել են Էյն ալ Ասադ ռազմաբազայի վրայ յարձակման արբանեակային լուսանկարները

Արբանեակային լուսանկարները պարզում են, որ իրանական հրթիռները ոչնչացրել են առնւազն 7 շէնք՝ ամերիկացիների պատկանող Էյն ալ Ասադ ռազմաբազայում:

«alikonline.ir» - Արբանեակային լուսանկարները պարզում են, որ իրանական հրթիռները ոչնչացրել են առնւազն 7 շէնք՝ ամերիկացիների պատկանող Էյն ալ Ասադ ռազմաբազայում. հաղորդում է ԻՍՆԱ-ն:

Reuters գործակալութիւնը հրապարակել է Planet Labs Inc. ընկերութեանը պատկանող առեւտրային արբանեակների կողմից արւած լուսանկարները, որոնք ցոյց են տալիս, որ արձակւած հրթիռներից առնւազն 5-ը խոցել են ռազմաբազայի տարածքում գտնւող շինութիւնները:

Դիտարկւած շինութիւններից առնւազն երեքը նախատեսւած են ինքնաթիռների պահպանման համար: Ըստ լուսանկարների՝ որոշ շէնքեր կամ կայանքներ ամբողջովին ոչնչացւել են, իսկ ոմանք մասնակիօրէն են վնասւել:

Կալիֆորնիայի Մոնտերի քաղաքի Միջազգային հետազօտութիւնների ինստիտուտի փորձագէտ Ջեֆրի Լոյիզն ասել է. «Սա նշանակում է, որ նրանց կրակոցները նպատակ են ունեցել խոցելու հէնց այս վայրերը, եւ դա նրանց յաջողւել է»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։