Հա

Հասարակական

18/04/2019 - 12:00

Անդրադարձ. Այն օրը երբ ամբողջ աշխարհը լացաւ

Երկուշաբթի, 15 ապրիլը եղաւ այն օրը, երբ ամբողջ աշխարհը լացաւ: Արդարեւ, այդ գիշեր ահաւոր հրդեհ մը կլանեց Փարիզի ամէնէն հռչակաւոր ու հրաշալի կառոյցներէն մէկը` Նոթր Տամ եկեղեցին, որուն կառուցումը տեւած էր 200 տարի: Զանգուածային լրատուամիջոցներու կողմէ ուղղակիօրէն սփռուող աղէտը խոցեց մեր սրտերը:

ՎԱՀՐԱՄ ԷՄՄԻԵԱՆ

 

Երկուշաբթի, 15 ապրիլը եղաւ այն օրը, երբ ամբողջ աշխարհը լացաւ: Արդարեւ, այդ գիշեր ահաւոր հրդեհ մը կլանեց Փարիզի ամէնէն հռչակաւոր ու հրաշալի կառոյցներէն մէկը` Նոթր Տամ եկեղեցին, որուն կառուցումը տեւած էր 200 տարի: Զանգուածային լրատուամիջոցներու կողմէ ուղղակիօրէն սփռուող աղէտը խոցեց մեր սրտերը: Փարիզցիները լացին, անոնց հետ լացաւ ամբողջ մարդկութիւնը, բացի թուրքերէն, որոնք մարդկութիւնը պատուհասած այդ ողբերգութիւնը նկատեցին Նոր Զելանտայի ահաբեկչութեան ու իսլամներու սպանութիւններուն համարժէք պատասխան չտալնուն համար կամ Հայոց Ցեղասպանութեան վերաբերեալ դիրքորոշման համար ֆրանսացիներուն եւ եւրոպացիներուն աստուածային պատիժը: Անոնք այդպիսի նողկալի գրառումներ կատարելէ ետք, ֆրանսացիներուն կոչ ուղղեցին օգնութեան համար դիմելու իրենց բարեկամ հայերուն…

Պատկերասփիւռի պաստառներուն վրայ, մեր չհաւատացող աչքերուն առջեւ անյուսօրէն ածխացող ու փուլ եկող 850-ամեայ տաճարը ֆրանսական ազգային մշակութային կոթող մը չէր միայն, այլեւ համամարդկային արժէք մը, թէ՛ Փարիզ այցելածներուն, թէ՛ չայցելածներուն, թէ՛ մեծերուն ու թէ՛ ալ փոքրերուն համար հաւասարապէս ծանօթ վայր մը: Անիկա ոմանց համար այդպիսի կարգավիճակ ստացած է շնորհիւ ֆրանսական գրականութեան, իսկ ուրիշներու համար` շնորհիւ Վիքթոր Հիւկոյի կոթողական «Նոթր Տամի կուզը» վէպի «Տիզնի»-ի գծանկարին:

Մշակութայինի կողքին պատմական ու համամարդկային արժէք ունեցող այդ տաճարը պատուհասած հրդեհը ահաւոր ցաւ պատճառեց արար աշխարհին, մեծին ու փոքրին, գրագէտին ու անգրագէտին, քրիստոնեային, իսլամին, պուտտայականին ու անաստուածին: Հազարումէկ քաղաքական դէմքեր իրենց ցաւը արտայայտեցին ի տես կատարուածին: Նոթր Տամի ողբերգութիւնը միացուց ֆրանսացիներն ու ամբողջ աշխարհը: Բրիտանական «Տը Կարտիըն» օրաթերթը դիպուկ կերպով ստեղծուած մթնոլորտը ամփոփելով գրեց. «Այնպիսի տպաւորութիւն է, կարծէք ինքնին Ֆրանսայի սիրտն ու Եւրոպայի հոգին անսպասելիօրէն եւ չարամտօրէն պոկած են»: Իսկ «Տը Ինտիփենտընթ»-ը գրեց. «Կը թուէր, որ երբ տաճարին աշտարակը փուլ եկաւ, ատոր հետ փուլ եկաւ նաեւ ամբողջ աշխարհը: Փարիզցիները կու լային փողոցներուն մէջ: Իսկապէս, ամբողջ աշխարհը կու լար»:

«Ազդակ»

Յարակից լուրեր

  • Անդրադարձ. Սպասելով Ռուսիոյ պատասխան քայլին
    Անդրադարձ. Սպասելով Ռուսիոյ պատասխան քայլին

    Ուաշինկթըն Սպիտակ տան եւ արտաքին ու պաշտպանութեան նախարարութեան մակարդակներով կանաչ լոյս տուաւ հիւսիսային Սուրիոյ մէջ թրքական բանակին կողմէ գործողութեան շղթայազերծման եւ սկսաւ իր ուժերը հեռացնել շրջանէն:

  • Անդրադարձ. Իտլիպէն աւելի կարեւորը
    Անդրադարձ. Իտլիպէն աւելի կարեւորը

    17 սեպտեմբեր 2018-ին Սոչիի մէջ ստորագրուեցաւ յուշագիր մը` Իտլիպի մէջ ստեղծելու լարուածութեան մեղմացման գօտի մը, ուրկէ, ըստ կնքուած ռուս-թրքական համաձայնութեան, դուրս պիտի բերուէին ահաբեկչական խմբաւորումները: Այդ աշխատանքը պէտք էր կատարէր Թուրքիան, սակայն վերջինս չգործադրեց իր ստանձնած յանձնառութիւնը եւ շրջանէն դուրս չբերաւ իր աջակցութիւնը վայելող ահաբեկչական խմբաւորումները, որոնք սկսան յարձակումներ շղթայազերծել Մոսկուայի աջակցութիւնը վայելող սուրիական բանակի դիրքերուն, ռուսական Հմէյմիմ ռազմակայանին եւ բնակուած շրջաններու դէմ:

  • Անդրադարձ. Թափանցիկ շղարշով պատուած որոշում մը
    Անդրադարձ. Թափանցիկ շղարշով պատուած որոշում մը

    Փարակուէյի արտաքին գործոց նախարար Խուան Էռնեսթօ Վիլլամայոր յայտնեց, որ իր երկիրը Հըզպալլան, Համաս շարժումը, Քայիտան եւ ԴԱԷՇ-ը ներառած է ահաբեկչական կազմակերպութիւններու ցուցակին վրայ:

  • Անդրադարձ. Դուրս մղման փոխարէն սիրաշահում
    Անդրադարձ. Դուրս մղման փոխարէն սիրաշահում

    Ազրպէյճանի իշխանութիւնները միշտ հետապնդած են ԵԱՀԿ-ի Մինսքի խմբակի ձեւաչափը տապալելը կամ առնուազն «բարեփոխելը»: Վերջինիս պարագային անոնց թիրախը եղած է ԵԱՀԿ-ի Մինսքի խմբակի եռանախագահութեան համեմատաբար տկար օղակը` Ֆրանսան:

  • «Նոտր Դամ տաճարի վերակառուցման համար 38 մլն. եւրօ նւիրատւութիւններ են հանգանակել». «RTL»
    «Նոտր Դամ տաճարի վերակառուցման համար 38 մլն. եւրօ նւիրատւութիւններ են հանգանակել». «RTL»

    Փարիզի Աստւածամօր տաճարի վերկառուցման համար պատասխանատու հիմնադրամների միջոցների ծաւալն այս պահին կազմում է 38 միլիոն եւրօ: Յուլիսի 8-ին այդ մասին յայտնել է Փարիզի արքեպիսկոպոս Միշէլ Օպետին «RTL» ռադիոկայանի եթերում:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։