Տիգրան Աբրահամեան. «Հեռու չէ այն օրը, երբ դաւաճանները կը յայտնւեն ճաղերի յետեւում, իսկ կռիւ տւողները՝ ազատութեան մէջ»
«ԱԼԻՔ» – Հեռու չէ այն օրը, երբ դաւաճանները կը յայտնւեն ճաղերի յետեւում, իսկ կռիւ տւողները՝ ազատութեան մէջ։
«Ֆէյսբուք»-ի իր էջում գրել է ՀՀ ԱԺ «Պատիւ ունեմ» խմբակցութեան քարտուղար Տիգրան Աբրահամեանը՝ նշելով, որ նախօրէին տեսակցել է Տաւուշում ՀՀ իշխանութիւնների սադրած միջադէպի արդիւնքում անազատութեան մէջ յայտնւած հայորդիներին։
«Նուբարաշէն» քրէակատարողական հիմնարկում տեսակցեցի Տաւուշում, իշխանութեան սադրած միջադէպերի հետեւանքով, ապօրինի անազատութեան մէջ յայտնւած 4 տաւուշցիների:
Վերջիններիս միակ մտահոգութիւնը նրանում էր, որ իրենց տան, գիւղի, մարզի հետ կապւած կարեւոր ու միաժամանակ վտանգաւոր իրադարձութիւններին մասնակցելու հնարաւորութիւն չունեն:
Ցաւօք, արդէն 10-11 ամիս է ինչ նոյն քրէակատարողական հիմնարկում ապօրինի անազատութեան մէջ է մեր ընկեր Արմէն Աշոտեանը, ում կարիքն ու դերը յատկապէս այս օրերին շատ զգացւում է:
Համոզւած եմ, որ հեռու չէ այն օրը, երբ տեղերով փոփոխութիւն է լինելու, հայրենիք յանձնողներն ու դաւաճանները կը յայտնւեն ճաղերի յետեւում, իսկ հայրենիքի ազատագրութեան եւ անվտանգութեան համար կռիւ տւողները՝ ազատութեան մէջ»,- գրել է նա։
