Հայաստան - ԱրցախՔաղաքական
Գառնիկ Դանիէլեան. «Միակողմանի զիջումները թշնամուն հնարաւորութիւն են տալու օղակի մէջ առնել Հայաստանը»
Վերջին օրերի իրադարձութիւններով պայմանաւորւած՝ փոխւել է բոլորիս բնականոն կեանքն ու առօրեան։ Այս մասին «Ֆէյսբուք»-եեան իր էջում գրել է ՀՅԴ անդամ, ՀՀ ԱԺ «Հայաստան» խմբակցութեան պատգամաւոր Գառնիկ Դանիէլեանը։
«Որպէս Տաւուշը ներկայացնող պատգամաւոր, այսօր ուզում եմ անդրադառնալ չորս բնակավայրերը զիջելու՝ մեզ պարտադրւող օրակարգին։
Ցաւօք, մեր այն մտավախութիւնը, որ Արցախի սցենարը կարող է կրկնւել Հայաստանի Հանրապետութիւնում, այս իշխանութիւնների մնալու պարագայում կարող է ի կատար ածւել։
Միակողմանի, անօրինական, հակասահմանադրական զիջումները, որոնք պարտադրւում են Հայաստանի գործող իշխանութիւններին, թշնամուն հնարաւորութիւն են տալու օղակի մէջ առնել Հայաստանը՝ վերածելով մեր Հանրապետութիւնը իւրատեսակ անկլաւի»,- գրել է նա։
