Սէյրան Օհանեան. ««Հայաքւէ»-ն անհրաժեշտութիւն է յատկապէս ՀՀ եւ Արցախի շուրջ ստեղծւած ռազմաքաղաքական ներկայ իրավիճակում»

«Հայաքւէ» նախաձեռնութիւնն անհրաժեշտութիւն է յատկապէս Հայաստանի եւ Արցախի շուրջ ստեղծւած ռազմաքաղաքական ներկայ իրավիճակում։ Այս մասին նոյեմբերի 24-ին «Հայաքւէ» նախաձեռնութեան ներկայացրած նախագծի վերաբերեալ խորհրդարանական լսումների ժամանակ յայտարարեց «Հայաստան» խմբակցութեան ղեկավար Սէյրան Օհանեանը:

«Աշխարհաքաղաքական զարգացումները, տարածաշրջանային իրադարձութիւնները, անվտանգութեան այն միջավայրը, որը գոյութիւն ունի, յատկապէս ներքին եւ արտաքին սպառնալիքների օրըստօրէ ուժգնացումը ստիպում է, որպէսզի քաղաքացիական հասարակութեան ամբողջ ներուժը, միտքը, առաջարկութիւններն ուղղորդել նման կարեւոր հարցերի շուրջ քննարկումներ իրականացնելուն եւ այս բարդ իրավիճակից դուրս գալու համար»,- ասաց Օհանեանը։

Ըստ նա, նշւած իրավիճակի համար ոչ միայն ադրբեջանական յանցաւոր քաղաքականութիւնն է հիմք հանդիսանում, նաեւ ՀՀ իշխանութիւնների ժամանակին ոչ համահունչ ձեւաւորւած քաղաքականութիւնը, ինչն էլ ի վերջոյ յանգեցրեց Ադրբեջանի կողմից Արցախի հայաթափմանը, ըստ էութեան իրականացւեց ցեղասպանութիւն հայ ժողովրդի արցախեան հատւածի նկատմամբ։

Յիշեցնենք, որ «Հայաքւէ» նախաձեռնութիւնը առաջարկել է Հայաստանի ՔՕ օրէնսգրքում լրացումների նախագիծ, ըստ որի քրէօրէն պատժելի արարքներ են որակւում Հայոց Ցեղասպանութեան միջազգային ճանաչումից հրաժարւելը կամ դրա վտանգաւորութիւնը նսեմացնելը ու ՀՀ անունից Արցախն այլ պետութեան կազմում ճանաչելը։

News.am